Yaxshi tushlar koʻrsin

0
86
marta koʻrilgan.

Isitmalab qolsam, ogʻrisam ozroq

Yo ishim yurmasa – toraysa olam,

Onam xavotirda qilar qoʻngʻiroq:

“Tushimga kiribsan, tinchmisan, bolam?”

 

Shukur, yaxshi, deyman, hammasi aʼlo,

Yuribman – ishim besh, oʻzim salomat.

Onam taskin topar va qilar duo,

Tilaydi ofiyat, omonlik, omad.

 

Doʻstlar, barchamizga yor boʻlsin tole,

Baxtdan yorugʻ boʻlsin xonalarimiz.

Tashvish, xavotirga tushmasin aslo,

Yaxshi tushlar koʻrsin onalarimiz.

 

Orif Tolib

 

2016

Oldingi sahifaTushunish
Keyingi sahifaQizim
Yoyish

MULOHAZA BILDIRISH

Mulohaza kiritilmadi!
Ismi sharifingizni kiriting.