Kisiro Tanaka
TEPALIK
Ninosima – yam-yashil orol,
Hu, tepalik. Unga nazar sol,
Unga dafn etilgan qizim…
Uning ismi benomu nishon
Oʻchib ketgan minglar qatori…
Oh, alamdan oʻrtanadi jon…
Xirosima – shum atom shahri!
QUYOSH BOTISHI
Eshitolmam aytgan soʻzingni,
Koʻrolmayman sening oʻzingni…
Maktabingning vayronasida
Yonar botgan quyoshning nuri…
Xirosima – shum atom shahri!
Shuhrat tarjimalari
