Sevgisiz oqshom

0
236
marta koʻrilgan.

Joningdan oʻtadi bir kun hammasi,

Goho hammasidan keladi kechging.

Yuragingga toʻlgan yoshlarni emas,

Bir hovuch yulduzni keladi ichging.

 

Ochiq derazadan termilasan jim,

Yuzingga ataylab urilar parda.

Nahot sogʻinmasa, kutmasa hech kim

Seni shunday ulkan, gavjum shaharda.

 

Oqshom choʻkkan. Ana, qaytishar ishdan,

Uyga sigʻmaganlar chiqar sayrga.

Sening yuragingga bir malol tushgan,

Na koʻkka sigʻasan va na-da yerga.

 

Sen uchun koʻz yumgan oʻsha muhabbat

Sendan ham koʻz yumgan allaqachonlar.

Endi davron oʻzga, oʻzgadir fursat,

Qoʻlingda qolmagan endi imkonlar.

 

Afsus, yulduzlarni boʻlmaydi ichib,

Javobi yoʻq endi savollaringni.

Endi jim oʻylaysan baridan kechib

Unutmoqchi boʻlgan xayollaringni.

 

Orif Tolib

 

2011

MULOHAZA BILDIRISH

Mulohaza kiritilmadi!
Ismi sharifingizni kiriting.