“Onamda qolmasin dardu armonlar!”

0
118
marta koʻrilgan.

O, ONA…

Zulfiyaga

 

Koʻz ochib olamga kelgandan beri

Nelarni koʻrmadi bu boshim mening.

Ozmi-koʻp tanidim hayotning sirin,

Qirqqa ham yetibdi bu yoshim mening.

 

Yildan-yil orttirdim talay doʻstu yor,

Hurmatlab dedilar, “doʻstim”, “oʻrtogʻim”,

Ulgʻaydim: koʻksimga bosh qoʻyib dildor,

U dedi: “Baxtimsan, suyangan togʻim!..”

 

O, ona, hech biri emasdur shirin

“Bolam!” deb bir ogʻiz aytgan soʻzingdan!

O, ona, mehringda quyosh yashirin,

Ne ajab gul unsa har bir izingda!

 

 

 

TOʻRTLIK

 

Dunyoda eng yaxshi, mehribon ona,

Bu mening onamdir, biling, yoronlar!

Ey, oʻgʻil-qizlarim, boʻling parvona

Onamda qolmasin dardu armonlar!

 

Shuhrat

MULOHAZA BILDIRISH

Mulohaza kiritilmadi!
Ismi sharifingizni kiriting.