“Ona, aytgin…”

0
188
marta koʻrilgan.

Ona, aytgin,

koʻplik qilmasmi

shuncha tashvish yolgʻiz boshingga,

koʻnikkandek kunlarga asta

biz koʻnikib qoldik yoshingga.

Qadogʻ koʻzing,

qadogʻ qoʻllaring

bir daqiqa boʻlsa ham tinmas,

mehring daryo kabi ulugʻdir,

metin kabi bardoshing sinmas.

Ona, qachon koʻrganding gulni,

eslaysanmi shodlikning rangin,

osmonlarga boqqanding qachon

sochlaringni durrada tangʻib.

Ona, qachon yashading aytgin

yashayotgan bizlarmiz, ona,

hayratlansin bolalarim deb

sen yashamay qoʻygansan, ona.

 

Shavkat RAHMON

MULOHAZA BILDIRISH

Mulohaza kiritilmadi!
Ismi sharifingizni kiriting.