Naylayin

0
164
marta koʻrilgan.

Seni mendan ayirgani keldilar,

Yuragimni tiriklayin tildilar,

Yor-yor aytib oʻynadilar, kuldilar,

Boʻzlab-boʻzlab oʻtar boʻldim, naylayin.

 

Boy boʻlsaydim, oyga qoʻlim yetardi,

Yulduzlarni kaftlarimda tutardim,

Barcha gʻirrom oʻyinlarda yutardim,

Endi dardim yutar boʻldim, naylayin.

 

Balki oʻzim noʻnoqdirman, boʻshdirman,

Shu sabab ham dard-alamga eshdirman,

Bugun gʻarib, qanoti yoʻq qushdirman,

Yoʻlim bilmay ketar boʻldim, naylayin.

 

“Unutaman, tamom!” dedim-u, ammo;

“Bu – eng soʻnggi xatom!” dedim-u, ammo;

“Yangi hayot, salom!” dedim-u, ammo

Sizni yana kutar boʻldim, naylayin.

 

Orif Tolib

 

2009

MULOHAZA BILDIRISH

Mulohaza kiritilmadi!
Ismi sharifingizni kiriting.