Koʻngul – maʼni durrining ganji

0
67
marta koʻrilgan.

Abdurahmon JOMIY

 

Agar suratda maʼni ochmasa yuz,

Qachon ochgʻoy koʻngul surat sori koʻz?!

* * *

Qachonkim ishq yoyi otsa bir oʻq,

Ongo tadbir qalqon oʻlmoqi yoʻq.

* * *

Na xush debdur hakimi hikmatoro –

Ki, mushku ishq pinhon boʻlmas aslo.

* * *

Qachon parvona qilgʻay mayli xurshid,

Ongo chun shamʼ vasli boʻlsa ummid.

* * *

Tilar boʻlsa agar labtashnaye ob,

Ongo ne sud qilgay shakkari nob?

* * *

Kerak qilmoq bu ishga tez koʻshish –

Ki, koʻshish sud qilmas oʻtsa gar ish.

* * *

Yorutmas uyni gar bir shamʼ nuri,

Yana ham shamʼ yoqmokdur sururi.

* * *

Malomat ishq dardin toza aylar.

* * *

Hamul toshgʻa yetushti yaxshi davlat –

Ki, topti u guhardin qadru qimmat.

* * *

Zihi, farxunda toleʼ korvoni –

Ki, maqsad tolibidur jismu joni.

* * *

Berib nodon matoi ganji olam,

Olur bir necha roʻkash qalb dirham.

* * *

Boʻlub domanfishon kavnu makongʻa,

Oʻzungni yetkur asl oshyongʻa.

* * *

Damo-dam qoʻnma hushing boʻlsa bori,

Uchub ul shoxadin bu shoxa sori.

* * *

Yaqindur husni suratning zavoli,

Oʻtar bir holgʻa bir lahza holi.

* * *

Chu koʻrding aks azm et asl sori –

Ki, koming hosil et jovid bori.

* * *

Baqo istar esang sol asligʻa koʻz,

Vafo istar esang ur asligʻa yuz.

* * *

Boʻlur pokiza tiynat – pok kirdor,

Zinozoda boʻlur bilgil zinokor.

* * *

It odam, yoʻqsa odam it tugʻurmas –

Ki, tuxmi arpadin bugʻdoy koʻkarmas.

 

Muhammad Rizo OgaHiy tarjimalaridan

MULOHAZA BILDIRISH

Mulohaza kiritilmadi!
Ismi sharifingizni kiriting.