“Vafo juda qimmat narsa. Uni arzon kimsalardan kutmang”

0
64
marta ko‘rilgan.

Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.

 

*****

Nega Ayyub alayhissalom sabr qildilar?

Nega Maryam onamiz odamlarning oldiga go‘daklarini ko‘tarib chiqdilar?

Nima uchun Ibrohim alayhissalom olovdan qo‘rqmadilar?

Nima uchun sevikli Payg‘ambarimiz Muhammad sollallohu alayhi vasallam g‘orda mahzun bo‘lmadilar?

Chunki ularning barchalari Alloh taolo haqida yaxshi gumonda bo‘lgan edilar.

“Fikr durdonalari”

*****

Vafo juda qimmat narsa. Uni arzon kimsalardan kutmang.

“Fikr durdonalari”

*****

Biz ularni taniganimizdan beri bitta yuz bilan yurganlarga tashakkur aytamiz!

“Fikr durdonalari”

*****

Hayot qanchalik qiyin, eshiklar har qancha qulf bo‘lmasin, esingda tut, Muso alayhissalomga dengizni ikkiga ajratib, yo‘l ochib bergan Zot sen uchun ham barcha berk eshiklarni ochishga qodirdir. Sen qo‘llaringni ko‘tarib: “Ey Robbim!” degin!

“Fikr durdonalari”

*****

Yuzimizdagi ajinlar do‘stlarning firoqi, yaxshi ko‘rgan insonimiz ko‘nglimizni qoldirishi, mahzunli xabar sababli paydo bo‘ladi.

“Fikr durdonalari”

*****

Agar senga asabing buzilishiga sabab bo‘ladigan maktub kelsa, unga javob berishga shoshilma. Javob berishni ertangi kunga qoldir. Ertasi kuni asablaring joyiga kelgach, shoshmasdan, hikmat bilan javob berishing yoki mazkur maktub javob yozishga arzimaydigan bo‘lishi ham mumkin.

“Fikr durdonalari”

*****

Agar bir ma’siyatga tushib qolsang, uni hech bir odamga aytma. Chunki odamlar yoyib, sharmanda qiladilar. Alloh taolo berkitib, afv qiladi.

“Fikr durdonalari”

 

 

Internet materiallaridan to‘plab, tarjima qiluvchi

Nozimjon Iminjonov

 

muslim.uz

MULOHAZA BILDIRISH

Mulohaza kiritilmadi!
Ismi sharifingizni kiriting.