“Odamlarning eng kechirimlisi jazolashga qodir boʻla turib kechirib yuborganidir”

0
110
marta koʻrilgan.

Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

 

*****

Agar maosh qilingan ishga qarab berilganda edi, eshak oltin karovat ustida uxlagan boʻlardi.

Anis Mansur

*****

Kishi oʻziga infoq qilishdan ham ojiz boʻlganda karomatini yoʻqotadi.

“Tarix muhrlagan soʻzlar”

*****

Temir ishlatilmasa zanglaydi. Suv harakatlanmasa ayniydi. Xuddi shuningdek fikr yuritilmasa aqlda ham mana shunday holat yuz beradi.

“Tarix muhrlagan soʻzlar”

*****

Sen nafaqat gapirgan gapingga, balki gapirishing kerak boʻlgan oʻrinda gapirmaganing uchun ham javob berasan.

“Hikmat durdonalari”

*****

Modomiki bir qalbda uzoq turmoqchi boʻlmasang, u qalbning eshiklarini taqqillatma.

“Hikmat durdonalari”

*****

Odamlarning eng kechirimlisi jazolashga qodir boʻla turib kechirib yuborganidir.

“Hikmat durdonalari”

*****

Kishi faqirligi, shaklining hunukligi uchun ayblanmaydi. Lekin tilining zaharligi, axloqining yomonligi uchun ayblanadi.

“Hikmat durdonalari”

*****

Ikki odamga oʻzingni oqlab oʻtirma:

  • Seni yaxshi taniydigan doʻstingga;
  • Sening xato qilishingni poylab turgan dushmaningga.

“Hikmat durdonalari”

*****

Tashqi koʻrinishlarini goʻzal qilish uchun pul sarflaydilar. Ammo tekin boʻlsa-da, axloqlarini goʻzallashtirishga urinmaydilar.

“Hikmat durdonalari”

*****

Baʼzilarning ismi bitta boʻlsa-da, yuzi mingta boʻladi.

“Hikmat durdonalari”

*****

Hech kimni soʻkma, haqorat qilma! Alloh taolo uni oʻsha aybdan poklab, sening oʻzingni oʻsha aybga mubtalo qilib qoʻymasin!

“Hikmat durdonalari”

*****

Hayot menga birorta odam koʻrmaydigan burchakka borib yigʻlashni, keyin yuzimdagi yoshlarimni artib, odamlarning oldiga tabassum qilib chiqishimni oʻrgatdi.

“Hikmat durdonalari”

*****

Donishmanddan “Oqil inson kim?” deb soʻraldi. Shunda u “Oqil inson – qachon gapirishni, qanday gapirishni va kimga gapirishni biladigan kishidir” deb javob berdi.

“Hikmat durdonalari”

*****

Sokin dengizda mohir dengizchilar shakllanmaydi. Musaffo ob-havoda mohir uchuvchilar shakllanmaydi. Xuddi shunga oʻxshab mashaqqatsiz hayotda kuchli shaxslar shakllanishi qiyin.

“Hikmat durdonalari”

 

Internet materiallaridan toʻplab, tarjima qiluvchi

Nozimjon Iminjonov

 

muslim.uz

MULOHAZA BILDIRISH

Mulohaza kiritilmadi!
Ismi sharifingizni kiriting.