“Modomiki, o‘zing egilmasang, hech bir odam sening ustingga mina olmaydi”

0
82
marta ko‘rilgan.

Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.

 

*****

Odamlar bilan bo‘lgan aloqam doirasi kichraygani sayin rohat-farog‘at doiram kengayganini ko‘rdim.

“Buyuklar va donishmandlar hikmati”

*****

Modomiki, o‘zing egilmasang, hech bir odam sening ustingga mina olmaydi.

 “Buyuklar va donishmandlar hikmati”

*****

Alloh taolo yomon gumon qiluvchilarga yordam bersin! Ular bilan rohatning orasidagi masofa juda uzundir.

“Buyuklar va donishmandlar hikmati”

*****

Hamma kulgular ham xursandchilik alomati bo‘lavermaydi. Ba’zilari qalbdagi alam va og‘riqni yashirish uchun niqob kulgudir.

“Buyuklar va donishmandlar hikmati”

*****

Inson bilishi kerak bo‘lgan hayotdagi eng qattiq darslardan biri – hamma ham unga yaxshilikni istamasligidir.

“Buyuklar va donishmandlar hikmati”

*****

Fazilatli ayol qidirishdan oldin o‘zingiz fazilatli erkak bo‘ling. Daraxt meva berishidan oldin gullaydi. Fotimadek ayol qidirgan kishining o‘zi Alidek bo‘lishi kerak.

“Buyuklar va donishmandlar hikmati”

*****

Seni noqis holingda qabul qilishim mumkin, ammo yolg‘onchi bo‘lsang, qabul qilmayman.

“Buyuklar va donishmandlar hikmati”

*****

Ilmi oz, odobi ko‘p bo‘lishing ilmi ko‘p, odobi oz bo‘lishingdan ming marta yaxshidir.

“Buyuklar va donishmandlar hikmati”

*****

Ko‘pchilik odamlar atroflaridagi kishilar xursand bo‘lishlari uchun g‘amlarini ichlarida saqlaydilar. Ey Robbim, boshqalarning shodligini o‘ylab, g‘amini ichida saqlayotganlarni O‘zing shod ayla!

“Buyuklar va donishmandlar hikmati”

*****

Hikmatni ko‘zi ojiz kishidan ol. U qo‘lidagi hassasi bilan yerni paypaslab, aniqlashtirib olmagunicha u joyga oyog‘ini qo‘ymaydi.

Tavfiq Hakim

*****

O‘zgarganimda o‘zgaradigan, boshimni silkitganimda boshini silkitadigan do‘stga ehtiyojim yo‘q. Soyam bu ishni undan yaxshiroq bajaradi.

“Buyuklar va donishmandlar hikmati”

*****

Qalbimizni xursand qilish oson. Ozgina e’tibor ham uni xursand qila oladi.

“Buyuklar va donishmandlar hikmati”

 

 

Internet materiallaridan to‘plab, tarjima qiluvchi

Nozimjon Iminjonov

 

muslim.uz

MULOHAZA BILDIRISH

Mulohaza kiritilmadi!
Ismi sharifingizni kiriting.