Ҳалол ва пок виждон бўл!

0
7627
марта кўрилган.

Агар киши ҳалол меҳнат қилса, ҳамиша яхшироқ меҳнат қилишга интилса, эртами-кечми у шон-шуҳрат қозонади.

Поль Лафарг.

 

* * *

Кимки виждонсиз эрур, қилма уларни эҳтиром,

Тузни қадрин билмаган хоинлара йўқдир таом.

Мутриба.

 

* * *

Софлигингни сақлаб қолиш учун жуда катта маҳорат керак!

М. Е. Салтиков-Шчедрин.

 

* * *

Гар очликдан берса ҳам мард жон,

Етимлар ҳақин емагай ҳеч қачон.

Саъдий Шерозий.

 

* * *

Сен, улуғ ва машҳур бўлмасанг ҳам ҳечқиси йўқ. Сен, пок виждон меҳнаткаш ва одобли киши бўлганинг билан фахрлан. Ҳар қандай керакли нарсани яхши қилишда катта хурсандчилик бор. Ахир, бу жуда муҳим – ҳаётни муносиб тарзда ўтказиш жуда муҳим.

И. Ф. Смольянинов.

 

* * *

Бу оламда кишиким пок қалбу соф ботиндир,

Ҳамиша фикр кунжида қаноат бирла сокиндур.

Табибий.

 

* * *

Бир ҳаром луқма деб, минг ҳалол луқмани йўқотасан.

 

* * *

Ҳалоллик бозорда сотилмас.

Арман мақоли.

 

* * *

Виждондан бўлак ҳамма нарсани сув билан ювиб тозалаш мумкин.

Грузин мақоли.

 

* * *

Туяга юк азоб беради, одамга – виждон.

Қорақалпоқ мақоли.

 

* * *

Тўнинг ямоқ бўлса ҳам,

Дилинг ямоқ бўлмасин.

 

* * *

Тортинчоқ киши самимий ва покдил бўлади.

 

* * *

Ҳалол меҳнат инсонни улуғлайди.

 

* * *

Одамнинг ҳусни – инсоф

Қалблар бўлсин доим соф.

 

* * *

Ҳалол топган пулингга, олиб есанг ошу нон,

Шундагина иштаҳанг очилади бегумон.

 

* * *

Ҳалол меҳнат ҳаётинг зийнатидир, асти ор этма!

 

* * *

Кўз учиман кўзлама,

Кўзларингга зўр келар.

Тил учиман сўзлама,

Ўзингга зарар келар.

 

* * *

Ошинг ҳалол бўлса, кўчада ич.

Ўзбек мақоллари.

 

* * *

Уялишни билган оқ кўнгил бўлади.

 

* * *

Чиройли товус ўз парларини эҳтиёт қилар,

Виждонли киши ўз шону-шарафини сақлар.

Хитой мақоллари.

 

“Ақл ақлдан қувват олади” (Ҳикматли сўзлар, афоризмлар ва мақоллар. “Ўзбекистон” нашриёти, Тошкент – 1967) китобидан.

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.