Halol va pok vijdon boʻl!

0
1710
marta koʻrilgan.

Agar kishi halol mehnat qilsa, hamisha yaxshiroq mehnat qilishga intilsa, ertami-kechmi u shon-shuhrat qozonadi.

Pol Lafarg.

 

* * *

Kimki vijdonsiz erur, qilma ularni ehtirom,

Tuzni qadrin bilmagan xoinlara yoʻqdir taom.

Mutriba.

 

* * *

Sofligingni saqlab qolish uchun juda katta mahorat kerak!

M. Ye. Saltikov-Shchedrin.

 

* * *

Gar ochlikdan bersa ham mard jon,

Yetimlar haqin yemagay hech qachon.

Saʼdiy Sheroziy.

 

* * *

Sen, ulugʻ va mashhur boʻlmasang ham hechqisi yoʻq. Sen, pok vijdon mehnatkash va odobli kishi boʻlganing bilan faxrlan. Har qanday kerakli narsani yaxshi qilishda katta xursandchilik bor. Axir, bu juda muhim – hayotni munosib tarzda oʻtkazish juda muhim.

I. F. Smolyaninov.

 

* * *

Bu olamda kishikim pok qalbu sof botindir,

Hamisha fikr kunjida qanoat birla sokindur.

Tabibiy.

 

* * *

Bir harom luqma deb, ming halol luqmani yoʻqotasan.

 

* * *

Halollik bozorda sotilmas.

Arman maqoli.

 

* * *

Vijdondan boʻlak hamma narsani suv bilan yuvib tozalash mumkin.

Gruzin maqoli.

 

* * *

Tuyaga yuk azob beradi, odamga – vijdon.

Qoraqalpoq maqoli.

 

* * *

Toʻning yamoq boʻlsa ham,

Diling yamoq boʻlmasin.

 

* * *

Tortinchoq kishi samimiy va pokdil boʻladi.

 

* * *

Halol mehnat insonni ulugʻlaydi.

 

* * *

Odamning husni – insof

Qalblar boʻlsin doim sof.

 

* * *

Halol topgan pulingga, olib yesang oshu non,

Shundagina ishtahang ochiladi begumon.

 

* * *

Halol mehnat hayoting ziynatidir, asti or etma!

 

* * *

Koʻz uchiman koʻzlama,

Koʻzlaringga zoʻr kelar.

Til uchiman soʻzlama,

Oʻzingga zarar kelar.

 

* * *

Oshing halol boʻlsa, koʻchada ich.

zbek maqollari.

 

* * *

Uyalishni bilgan oq koʻngil boʻladi.

 

* * *

Chiroyli tovus oʻz parlarini ehtiyot qilar,

Vijdonli kishi oʻz shonu-sharafini saqlar.

Xitoy maqollari.

 

“Aql aqldan quvvat oladi” (Hikmatli soʻzlar, aforizmlar va maqollar. “Oʻzbekiston” nashriyoti, Toshkent – 1967) kitobidan.

MULOHAZA BILDIRISH

Mulohaza kiritilmadi!
Ismi sharifingizni kiriting.