“Bir eshik berkilsa, boshqasi ochiladi”

0
95
marta koʻrilgan.

Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan. 

 

*****

Uch narsani unutma:

Agar senga Alloh taoloning neʼmati kelsa, Alhamdulillah degin!

Agar senga rizqing sekin kelsa, Astagʻfirulloh degin!

Agar senga bir mashaqqat yetsa, Laa havla va laa quvvata illaa billaah degin!

“Fikr durdonalari”

*****

Bir eshik berkilsa, boshqasi ochiladi. Lekin biz uzoq vaqt afsus bilan berk eshikka tikilib turamiz-da, ochiq eshikni koʻrmaymiz.

“Tarix muhrlagan soʻzlar”

*****

Koʻpaytirish jadvalidagi 1 raqamidek boʻling. Ushbu raqam yoniga katta son kelsa ham, kichik son kelsa ham, unga hajmidan katta oʻlchov, miqdor bermaydi.

“Tarix muhrlagan soʻzlar”

*****

Agar haq boʻlsang, asablaringni boshqara olasan. Ammo xato qilgan boʻlsang, gapingni oʻtkazish uchun jarohat yetkazuvchi soʻzdan boshqa narsa topolmaysan.

“Tarix muhrlagan soʻzlar”

*****

Agar borliging xuddi yoʻqligingdek bir xil boʻlsa, ketvor!

Najib Mahfuz

*****

Erkaklar ziyofat kunlarida emas, qiyinchilik kunlarida bilinadilar.

Muhammad Gʻazoliy rahimahulloh

*****

Axlatni munosib joy (maxsus idish)ga tashlay olmaydigan jamiyatdan munosib insonni munosib oʻringa qoʻyishini kutma.

“Tarix muhrlagan soʻzlar”

*****

Oʻzingga togʻning choʻqqisidan joy izla. Pastda shundoq ham katta tiqilinch.

“Tarix muhrlagan soʻzlar”

*****

Odamlarning gapi misoli xarsangtoshdir. Yo uni ustingga koʻtarib, belingni sindirasan. Yoki uni oyoqlaring ostiga tashlab, baland minora qurib, oʻzing ham yuksalasan.

“Fikr durdonalari”

*****

Jarohatlarning eng ogʻriqlisi tanamizda iz qoldirgani emas, balki birorta inson koʻrmaydigan qalbimizda iz qoldirganidir.

“Fikr durdonalari”

*****

Labida asal, qalbida gina, adovat boʻladigan kishidan ehtiyot boʻl!

“Fikr durdonalari”

*****

«Ketaman» deb tahdid qilganning qulogʻiga «Yoʻlni bilasizmi yoki koʻrsatib qoʻyaymi?» deb ayting.

«Fikr durdonalari»

 
Internet materiallaridan toʻplab, tarjima qiluvchi

Nozimjon Iminjonov

 

muslim.uz

MULOHAZA BILDIRISH

Mulohaza kiritilmadi!
Ismi sharifingizni kiriting.