Xayriddin Saloh (1934–1969)

0
552
marta ko‘rilgan.

Xayriddin Saloh 1934 yili Toshkent shahrida tug‘ildi. O‘rta maktabda o‘qib yurgan kezlaridayoq she’riyatga qiziqib, G‘ayratiy rahbarligidagi adabiyot to‘garagiga faol qatnasha boshladi.

Toshkent davlat pedagogika institutining kechki bo‘limida tahsil olgach, 1957 yildan turli gazeta va jurnallar (jumladan, “Gulxan” va “G‘uncha”)da adabiy xodim bo‘lib ishladi.

Xayriddin Salohning ilk she’ri 1950 yili matbuotda e’lon qilinadi. 1957 yili esa ustoz Mirtemirning “oq yo‘l”i bilan “Niyat buloqlari”, “Ko‘li Qubbon” va “Olma” she’rlari gazetada bosilib chiqadi. So‘ngra “Chashma” nomli ilk she’rlar to‘plami nashr etiladi.

Shundan so‘ng shoir “Ikkinchi imtihon” (1961), “Ishqim va rashkim” (1965), “Tug‘yon” (1969) kabi she’riy to‘plamlarini nashr ettirdi. Vafotidan so‘ng esa “Izlar va hislar” (1974), “Lirika” (1985) kabi she’r va dostonlardan iborat kitoblari bosildi.

Romantik tasavvur va lirik kayfiyatlar kuychisi bo‘lgan shoir “Na’matak”, Sulton Jo‘ra hayotiga bag‘ishlangan “Yangroq hayot” singari dostonlar ham yaratdiki, ular 60-yillar o‘zbek she’riyatining yutuqlaridan hisoblanadi.

U tarjimon sifatida Bayron, Pushkin, Lermontovning qator lirik she’rlarini o‘zbek tiliga o‘girdi. Ayniqsa, Henrix Heynening lirik she’rlaridan qilgan tarjimalari kitobxonlar tomonidan samimiy kutib olindi.

Shoir iste’dodi avji kamolga yetgan bir vaqtda ‒ 1969 yili 35 yoshida fojiali halok bo‘ldi.

 

“O‘zbek adiblari” (S. Mirvaliyev, R. Shokirova. Toshkent, G‘afur G‘ulom nomidagi adabiyot va san’at nashriyoti, 2016) kitobidan.

MULOHAZA BILDIRISH

Mulohaza kiritilmadi!
Ismi sharifingizni kiriting.