Uchqun Nazarov (1934–2016)

0
299
marta ko‘rilgan.

Uchqun Nazarov 1934 yili Toshkent shahrida tavallud topdi.

Toshkent teatr va rassomlik institutining rejissyorlik bo‘limida tahsil oldi.

Mehnat faoliyatini Qo‘qon shahridagi Hamza nomli drama teatrining bosh rejissyori sifatida boshlab, keyinchalik kinorejissura bilan jiddiy shug‘ullandi.

“Odamlar” nomli birinchi hikoyasi 1961 yilda, shu nomdagi birinchi kitobi esa 1962 yilda e’lon qilindi. Shundan so‘ng adibning “G‘urur” (1965), “Fido” (1970), “Girdob” (1971), “Listopad” (rus tilida, 1976), “Jur’at” (1977), “Chayraluu” (qirg‘iz tilida, 1980), “Vernost” (rus tilida, 1987), “O‘zgalar uchun” (1988), “Chayon yili” (1990), “Yong‘in” (1996), “Paymona” (2010) kabi roman, qissa va hikoyalar kitoblari bosilib chiqdi. “Chayon yili” romani nemis tiliga tarjima qilindi (tarjimon I. Baldauf, 2002).

Uchqun Nazarov bir qancha sahna asarlari ham yaratdi: uning “Oyna” dramasi (1977) hozirgi O‘zbek milliy akademik drama teatrida muallifning o‘zi tomonidan sahnalashtirildi.

Uning ssenariysi va rejissyorligida “Surayyo” (1965), “Qiz va yigit” (1967), “Shiddat” (1970), “Karvon” (1972), “Alangali sohil” (1975) kabi badiiy filmlar tasvirga olindi.

Uchqun Nazarov Respublika Davlat mukofoti hamda “O‘zbekistonda xizmat ko‘rsatgan artist” unvoni bilan taqdirlangan.

 

“O‘zbek adiblari” (S. Mirvaliyev, R. Shokirova. Toshkent, G‘afur G‘ulom nomidagi adabiyot va san’at nashriyoti, 2016) kitobidan.

MULOHAZA BILDIRISH

Mulohaza kiritilmadi!
Ismi sharifingizni kiriting.