O‘tkir Hoshimov (1941-2013)

0
1098
marta ko‘rilgan.

O‘tkir Hoshimov 1941 yil Toshkent viloyatining Zangiota (hozirgi Chilonzor) tumanidagi Do‘mbiravot mavzeida tug‘ildi. O‘. Hoshimov mehnat faoliyatini erta boshladi. Toshkent Davlat universiteti (hozirgi O‘zbekiston Milliy universiteti)ning jurnalistika kulliyotida o‘qish bilan baravar gazeta tahririyatida ishladi. 1959 yildan 1963 yilgacha “Temiryo‘lchi”, “Qizil O‘zbekiston”, “Transportniy rabochiy” gazetalarida xat tashuvchi, mussaxhih, tarjimon bo‘lib ishladi. So‘ng “Toshkent haqiqati” gazetasida adabiy xodim (1963–1966), “Toshkent oqshomi” gazetasida bo‘lim mudiri (1966–1982), G‘. G‘ulom nomidagi Adabiyot va san’at nashriyotida bosh muharrir o‘rinbosari (1982–1985) bo‘ldi. 1985–1995 yillarda “Sharq yulduzi” jurnaliga bosh muharrirlik qildi. 1995 yildan 2005 yilgacha O‘zbekiston Respublikasi Oliy Majlisining Matbuot va axborot qo‘mitasi raisi lavozimida ishladi. 2005 yildan “Teatr“ jurnalida bosh muharrir bo‘lib ishladi.

O‘zbekiston Xalq yozuvchisi O‘tkir Hoshimov mustaqil Vatanimizning adabiyoti va ma’naviy xazinasiga salmoqli hissa qo‘shgan ijodkordir. Qariyb ellik yil davomida turli tillarda ikki yarim millionga yaqin nusxada chop etilgan yetmishdan ortiq kitobi adibni xalqimizning ardoqli farzandiga aylantirdi.

Shu paytgacha yozuvchining “Po‘lat chavandoz” (1962), “Gunafsha” (1965), “Odamlar nima derkin…” (1966), “Bir tomchi shudring” (1970), “Bahor qaytmaydi” (1970), “Den moti’lka”, (1971), “Qalbingga quloq sol” (1973), “Uzun kechalar” (1975), “Nimadir bo‘ldi” (1975), “Yer farzandimiz”, “Nur borki, soya bor” (1977), “Quyosh tarozisi” (1980), “Mashina sotaman”(1981), “Dunyoning ishlari” (1982), “Yalpiz somsa”(1983), “Oq kamalak”(1984”, “Sirli yulduz” (1985), “Ikki eshik orasi” (1986), “Xazina”, “Ikki karra ikki besh”(1987), “Notanish orol” (1990), “Iztirob” (1991), “Daftar hoshiyasidagi bitiklar” (2008) va boshqa kitoblari nashr etilgan.

Shuningdek, Stefan Sveyg, E. Xeminguey, K. Simonov, K. Paustovskiy, J. London O. Berggols, V. Shukshin, M. Karim va boshqa adiblarning asarlarini o‘zbek tiliga o‘girgan. “Xazon bo‘lgan bahor”, “Birovning tashvishi (Inson sadoqati)”, “To‘ylar muborak”, “Baland dorga osilma”, “Qatag‘on” sahna asarlari muallifi.

Ilk kitobi 1962 yilda “Po‘lat chavandoz” ocherklar to‘plamidir. Birinchi yirik nasriy asari “Cho‘l havosi”, “Odamlar nima derkin” (1965),”Shamol esaveradi” (1966), “Qalbingga quloq sol” (1973) qissalari e’lon qilingan. “Bahor qaytmaydi” (1970), “Dunyoning ishlari”(1982) qissalari yozuvchiga shuhrat keltirgan.

Yozuvchining “Muhabbat”, “Dehqonning bir kuni”, “Urushning so‘nggi qurboni”, “O‘zbek ishi” kabi novellalari o‘zbek hikoyachiligida muhim hodisa bo‘ldi. Ilk romani “Nur borki, soya bor” (1976) da yozuvchi o‘ziga zamondosh-tengdosh jurnalist Sherzodning kechinmalari orqali hayajonli ma’naviy – axloqiy masalalar bilan birga o‘tkir ijtimoiy muammolarni ko‘targan.”Ikki eshik orasi “(1986), “Tushda kechgan umrlar” (1994 ) romanlarida O‘. Hoshimov zamondosh – asrdosh odamlar taqdirini 20-asrning eng keskin fojiaviy hodisalari 2-jahon urushi hamda mustabid tuzumning jinoyatkorona siyosati oqibatlari bilan bog‘liq holda tahlil va talqin etish yo‘lidan borgan.

O‘. Hoshimovning bir qancha asarlari ekranlashtirilgan. “Hazon bo‘lgan bahor”, “Inson sadoqati” (1975), “Vijdon dorisi”, “To‘ylar muborak” (1979), “Qatag‘on” kabi drama, komediya, bir qator kinossenariylar muallifi. “Daftar hoshiyasidagi bitiklar”(2001) kitobi ijtimoiy – ma’naviy hayotda muayyan iz qoldirgan. Asarlari jahonning ko‘plab tillariga tarjima qilingan.

1995–2004 yillari 1-, 2-chaqiriq O‘zbekiston Respublikasi Oliy Majlisi deputati, Oliy Majlis Matbuot va axborot qo‘mitasi raisi bo‘lgan. 1986 yili Hamza nomidagi O‘zbekiston Davlat mukofoti loyiq topilib, 1996 yili “Mehnat shuhrati”, 2001 yili “Buyuk xizmatlari uchun ordenlari bilan mukofotlangan.

Adib 2013 yil 24 may kuni 72 yoshida vafot etdi.

 

HAYOTI VA IJODINING MUHIM SANALARI

1941 yil 5 avgust. Toshkent viloyati Zangiota tumani Do‘mbirabot mavzeida tug‘ildi.
1958 yil. O‘rta maktabni bitirdi.

1964 yil. Toshkent Davlat universitetining filologiya fakulteti jurnalistika bo‘limini bitirdi. Avval universitetning sirtqi bo‘limida, so‘ng kunduzgi bo‘limda o‘qidi va turli gazeta tahririyatlarida ishladi.

Mehnat faoliyati

1959–1960 y. – “Temiryo‘lchi” gazetasida kuryer

1960–1960 y. – “Qizil O‘zbekiston” gazetasida kuryer

1960–1962 y. – “Transportny rabochiy” gazetasida tarjimon

1963–1963 y. – “Qizil O‘zbekiston” gazetasida adabiy xodim

1963–1966 y. – “Toshkent haqiqati” gazetasida adabiy xodim

1966–1982 y. – “Toshkent oqshomi” gazetasida bo‘lim mudiri

1982–1985 y. – G‘afur G‘ulom nomidagi Adabiyot va san’at nashriyoti bosh muharririning o‘rinbosari

1985–1995 y. – “Sharq Yulduzi” jurnalining bosh muharriri

1995–2000 y. – Birinchi chaqiriq O‘zbekiston Respublikasi Oliy Majlisining Matbuot va axborot qo‘mitasi raisi

2000–2005y. – Ikkinchi chaqiriq O‘zbekiston Respublikasi Oliy Majlisining Matbuot va axborot qo‘mitasi raisi

2005 yildan – “Teatr” jurnali bosh muharriri

***

1962 yil

“Po‘lat chavandoz” nomli birinchi kitobi nashr etildi.

1963 yil 17 avgust

“Toshkent haqiqati” gazetasida “To‘rt maktub” degan birinchi hikoyasi e’lon qilindi.
Birinchi yirik asari – “Cho‘l havosi” qissasi “Sharq Yulduzi” jurnalining 10 sonida bosildi.
O‘zbekiston xalq yozuvchisi Abdulla Qahhor adibning birinchi asari haqida xat yozib, oq yo‘l tiladi.

1965 yil

Birinchi qissa va hikoyalar to‘plami – “Gunafsha” kitobi nashr etildi. “Yosh gvardiya” nashriyoti
“Odamlar nima derkin?” asari bo‘yicha birinchi telespektakl namoyish
qilindi.

1967 yil

Ittifoq Yozuvchilar uyushmasi a’zosi.

1968 yil

“Toshkent oqshomi” gazetasida bosilgan, poytaxtdagi atamalarning 1 deyarli hammasi yevropacha bo‘lib ketgani tanqid ostiga olingan “Nom ham xusn belgisi” maqolasi uchun birinchi marta hayfsan oldi.

1969 yil.

“Baxor qaytmaydi”. – Qissa. “Sharq yulduzi” № 12.

1970 yil

Bahor kaytmaydi. Qissa. G‘. G‘ulom nomidagi Adabiyot va san’at nashriyoti. Turli tillarda yana o‘n martadan ortiq nashr qilindi.

1973 yil

Ozod Sharafiddinov boshchiligidagi bir guruh ijodkor va olimlar – O‘. Hoshimov, A. Rasulov, B. Qosimov Qirg‘izistonning O‘sh shahridan Tojikistonning Tog‘li Badaxshon avtonom viloyati – Xorug‘ shahriga safar qildilar. Dengiz satxidan deyarli 5 ming metr balandlikdagi qaltis tog‘ yo‘llaridan o‘tuvchi bu safar taassurotlari yozuvchining sayohatnomalari, badiiy asarlarida tasvirlandi. 1976 yil “Bahor qaytmaydi” va “Qalbingga quloq” qissalari uchun O‘zbekiston Yoshlar mukofoti bilan taqdirlandi.

1974 yil

“Baxor qaytmaydi” Videofilm. Yillar davomida “Zangori ekran”da 30 marttaga yaqin namoyish qilindi.

1977 yil

Nur borki, soya bor. Roman. G‘afur G‘ulom nomidagi Adabiyot va san’at nashriyoti. Turli tillarda yana o‘n martaga yaqin nashr qilindi.

1978 yil

Inson sadoqati. Psixologik telespektakl. Yillar davomida “zangori ekran”da 20 martaga yaqin namoyish qilindi.

Dunyoning ishlari. Qissa. G‘. G‘ulom nomidagi Adabiyot va san’at nashriyoti. Turli tillarda o‘n martadan ortiq nashr qilindi.

“O‘zbekiston adabiyoti va san’ati”, “O‘qituvchilar gazetasi”, “Uchitel Uzbekistana” gazetalarida “Qalbning oppoq daftari” maqolasi bosildi. O‘qituvchilar obro‘sini saqlash, mavqeini oshirish haqidagi maqola yuzasidan Maorif vazirligi maxsus qaror qabul qildi va u mamlakatdagi barcha maorif boshqarmalari, Pedagogika institutlari, Ilmiy-tadqiqot instititutlarida, maktablarda ishlab chiqildi hamda zarur choralar ko‘rildi.

1982–1986 yillar

O‘zbekiston televideniyesida “Bahs” ko‘rsatuvini olib bordi.

1983 yil

“Dunyoning ishlari” qissasi uchun Oybek nomidagi adabiy mukofot bilan taqsirlandi.

1984 yil

Farg‘ona viloyat O‘zbekiston tumani G‘aniobod xo‘jaligining Ja’farali Payg‘amov boshchiligidagi pillachilik brigadasi O‘. Hoshimov nomidan pilla boqib, ishlab topilgan mablag‘ni Tinchlik jamg‘armasiga o‘tkazdi.

Dunyoning ishlari. Telespektakl. Yillar davomida “zangori ekran”da 30 martaga yaqin namoyish qilindi.

Jizzah viloyati G‘allaorol tumanidagi quruvchi Mamatqul Egamov adirda artezian qudug‘i qazib “Dunyoning ishlari” asari sharafiga “Onalar bog‘i”ni yaratdi.

Farg‘ona viloyati Quva tumanida istiqomat qiluvchi Musharraf Siddiqova yozuvchini tutingan o‘g‘il qilib oldi.

1985–1989 yillar

Markaziy matbuotda O‘zbekistonga xuruj kuchayib ketdi. “Molodoy
kommunist” (Moskva) jurnalida bosilgan “Maishiy islom” maqolasida
O‘zbekistonda “diniy fanatizm” va erkaklar zulmiga chidolmagan 270 ayol
o‘zini o‘ldirgani haqida maqola bosildi. SSSR DOSAAF nashriyotida chop
etilgan “Klub slujebnogo sobakavodstva” kitobida I. Duxnovskiy degan
itshunos itlarga laqab sifatida yigirmaga yaqin o‘zbekcha inson ismini
tavsiya qildi. O‘. Hoshimov o‘sha kezlari birgina Moskva shahrining o‘zida
1275 kishi joniga qasd qilganini dalillar bilan isbotlovchi, Duxnovskiy maqolasi esa xalqlar birodarligini “portlatishga” mo‘ljallangan “bomba” ekanini fosh qiluvchi “Do‘stlik hurmatdan boshlanadi” maqolasi bilan javob qildi. “Davlat siri”, “Mantiq qani?, “Mantiq bo‘lmasa bo‘ldirish kerak”, “Qo‘rquv saltanati” singari problematik maqolalari e’lon qilindi.

1986 yil

“Yuqori tashkilot”dan dahriylik – xudosizlik mavzusida “Bahs” ko‘rsatuvini qilish haqidagi topshiriqni adib bajarmagach, ko‘rsatuv to‘xtatib qo‘yildi.

Gdlyan va Ivanovlar guruhi O‘zbekistonda qatag‘on uyushtirdi. Markazdan kelgan KPSS rahnamolaridan biri Toshkentda yig‘ilish o‘tkazib, “o‘zbek ishi” kompaniyasi “to‘g‘ri ekanini” isbotlovchi ma’ruza qildi. Yig‘ilishda “Sharq yulduzi” jurnalining bosh muharriri O‘. Hoshimov ham ishtirok etishi va partiyaning “dono siyosatini” ma’qullab nutq so‘zlashi rejalashtirilgan edi. Adib so‘zga chiqmadi va savol berishga ruxsat so‘radi. “Ruxsati oliy” bo‘lgach bir masalaga tushunolmayotganini izoh qildi. “Hurmatli notiq (KPSS rahnamosi nazarda tutilmokda) o‘z ma’ruzalarida bir fikrni qat’iy qilib aytdilar. “Keyingi yillarda O‘zbekistonda qo‘shib yozish, boqimandalik, tekinxo‘rlik avjiga chiqqan, markaziy rayonlarga paxta tolasi o‘rniga vagonlarda havo, samolyotlarda esa diplomatlar to‘la pul – pora borgan, shuning uchun O‘zbekistondan minglab odamlar qamoqqa olindi va yana hibsga olinadi”, dedilar. Albattta, paxta o‘rniga pora yuborish – jinoyat. Ammo men oddiy odam, oddiy yozuvchi sifatida bir narsani tushunolmay turibman. Aytingchi, markaziy rayonlarga vagonlarda tola o‘rniga havo, samolyotlarda esa diplomatda pora borgan ekan, nega markazdagilar indamabdi? Nega bizga vagondagi havo, diplomatdagi pul kerak emas, tolaning o‘zini yuboringlar, demabdi? Odatda pora oladigan qo‘l pora beradigan ko‘ldan balandrokda turadi shekilli?”

Tabiiyki, savol javobsiz qoldi va jurnal bosh muharririni bunday “yuqori martabali” majlislarga chaqirmay qo‘ydilar.

***

Ikki eshik orasi. Roman. G‘afur G‘ulom nomidagi Adabiyot va san’at nashriyoti. Turli tillarda yana o‘n martaga yaqin nashr qilindi.

***

“Ikki eshik orasi” romani uchun O‘zbekiston Respublikasi Davlat mukofoti bilan taqdirlandi.

1987 yil

“O‘zbekiston” nashriyotida chop etilgan “Xazina” kitobining qalam haqini Orolni qutqarish jamg‘armasiga o‘tkazdi.

1990–1991 yillar

“Sharq Yulduzi” jurnalida tarixda birinchi marta muqaddasi Qur’oni karimning o‘zbek tilidagi ma’no tarjimasi chop etildi. Bu hayrli yumushga O‘zbekiston Respublikasi Prezidenti Islom Karimov rahnamolik qildi.

1990 yil, iyun

O‘zbekiston Kompartiyasining XXII s’yezdida nutq so‘zladi. O‘z so‘zida saksoninchi yillarning o‘rtalarida Markazdan “cheksiz huquq” bilan kelgan bir guruh “tartib o‘rnatuvchilar” yurtimizda qatag‘on o‘tkazgani, afsuski, o‘sha paytdagi respublikaning ayrim rahbarlari xalqni tuxmatdan himoya qilish o‘rniga tomoshabin bo‘lib turganini, O‘zbekistonga Islom Karimov rahbar bo‘lganidan keyin vaziyat adolat tomoniga o‘zgarganini ta’kidladi.

1990 yil. Iyul. Moskva.

KPSS XXIII s’yezdida so‘zga chiqdi. Uz nutqida Uzbekiston Kompartiyasi Markaziy Qo‘mitasining birinchi kotibi, O‘zbekiston Prezidenti Islom Karimov s’yezd minbaridan alohida ta’kidlaganidek, Gdlyan va Ivanov degan “huquqshunos”lar guruhi O‘zbekistonni poligonga aylantirganini, minglab odamlar begunoh qamalganini eslatdi. Sho‘ro armiyasida (Afg‘onistondagina emas, mamlakat ichkarisida ham) xizmat qilayotgan o‘zbekistonlik askarlar millatidan qat’iy nazar “bosmachi”, “tekinxo‘r”, “boqimanda”, deb haqoratlanayotgani, bir qanchasi o‘ldirib yuborilganini fosh qildi. “O‘zbek ishi” degan haqoratli tamg‘ani olib tashlashni, markaziy matbuotda O‘zbekiston sha’niga yog‘dirilayotgan bo‘xtonlar to‘xtatilishi kerakligini ta’kidladi.

1991 yil

Yozuvchi bir guruh ijodkorlar – Said Ahmad, Erkin Vohidov, Ozod Sharafiddinov, Umarali Normatov, Abdug‘afur Rasulov va boshqalar bilan Toshkent, Sirdaryo, Jizzah, Samarqand, Andijon, Farg‘ona, Namangan viloyatlarida ijodiy hisobatlar o‘tkazdi.

***

Alisher Navoiy nomidagi teatrda adibning ijodiy kechasi o‘tkazildi.

***

“Hurmat belgisi” ordeni bilan taqdirlandi.

***

O‘zbekiston Xalq yozuvchisi unvoni berildi.

1992 yil

Bir jildli Saylanma – “Bahor qaytmaydi”. G‘. G‘ulomning nomidagi Adabiyot va san’at nashriyoti.

***

Ozod Sharafiddinov. El ardoqlagan adib. Bir jildli saylanma. “Bahor qaytmaydi”ga so‘zboshi.

1993 yil

Ikki jildli Saylanma – “Nurli dunyo” va “Umr savdosi”. “Nur” IICHB – “Sharq” nashriyot-matbaa konserni.

1994 yil

Tushda kechgan umrlar. Roman. “Sharq” nashriyot-matbaa konserni. Yana bir necha marta nashr qilindi.

***

Tushda kechgan umrlar. Roman. “Ikarus” jurnali AQSH. Nyu-York. Ingliz tilida. Tarjimon Yulay Shomil o‘g‘li. Muharrir Sevastiari.

1995–2000 yillar

Birinchi chaqiriq O‘zbekiston Respublikasi Oliy Majlisining deputati.

1996 yil

Umarali Normatov. Yillar, yo‘llar, taqdirlar. “Ikki eshik orasi” romanining oltinchi nashriga so‘ngso‘z.

1997 yil

“Mehnat shuhrati” ordeni bilan takdirlandi.

1998 yil

O‘zbekiston Respublikasi Prezidenti huzuridagi Davlat va jamiyat qurilish akademiyasining qisqa muddatli kursini bitirdi.

***

Ikki jildli Saylanma – “Nurli dunyo” va “Umr savdosi”. Qayta nashr “Sharq” nashriyot-matbaa konserni

1987–2000 yillar

Rasmiy delegatsiyalar tarkibida va xizmat safari bilan Meksika, Turkiya, AQSH, Shveysariya, Xitoy, Pokiston, Avstriya, Slovakiya, Hindiston, Bangladesh va qator qo‘shni mamlakatlarda bo‘ldi.

1998–2007 yillar

“Daftar hoshiyasidagi bitiklar” kitobi o‘n martaga yaqin nashr qilindi. “Sharq” nashriyot-matbaa aksiadorlik kompaniyasi

1999 yil

“Nur borki, soya bor”, “Dunyoning ishlari”, “Qatag‘on”, “O‘zbek ishi” asarlaridagi insonparvarlik g‘oyalari, xalq sha’nini himoya qilgani uchun Qirg‘iziston Respublikasi “Omur bayani’” – “Umr bayoni” jamg‘armasining “Vatanparvarlik va yuksak ma’naviyat uchun” diplomi bilan taqdirlandi.

***

Ozod Sharafiddinov. O‘tkir Hoshimov. Adabiy portret. “XX asr o‘zbek adabiyoti tarixi” darsligi.

2000–2005 yillar

Ikkinchi chaqiriq O‘zbekiston Respublikasi Oliy Majlisining
deputati.

2000 yil

Ozod Sharafiddinov. El ardog‘idagi adib. “Ikki eshik orasi” romanining yettinchi nashriga so‘ngso‘z.

2001 yil

Said Ahmad. Ijod va jasorat “Yo‘qotganlarim va topganlarim” kitobi. Adib ijodiy portreti.

***

Abdug‘afur Rasulov. Ardoqli adib. O‘tkir Hoshimov hayoti va ijodiga chizgilar. Kitob. “Sharq” nashriyot-matbaa aksiadorlik kompaniyasi

***

Adib ustozlari va safdoshlari – Said Ahmad, Erkin Vohidov, Ibrohim G‘afurov, Umarali Normatov va boshqalar bilan Toshkent, Sirdaryo, Xorazm, Qashqadaryo viloyatlari, Qoraqalpog‘iston Respublikasida 60 yoshga to‘lishi munosabati bilan ijodiy hisobotlar o‘tkazdi.

***

Ikki jildli Saylanma. “Bahor sog‘inchi”. “Hadikli tushlar”. G‘. G‘ulom nomidagi Adabiyot va san’at nashriyoti.

***

“Buyuk xizmatlari uchun” ordeni bilan taqdirlandi.

2002 yil

“O‘zbektelefilm” studiyasida suratga olingan, adib hayoti va ijodiga bag‘ishlangan “O‘tkir Hoshimov. Sakkizinchi mo‘jiza” hujjatli filmi taqdimoti.

2003 yil

Farg‘ona Davlat universitetining faxriy professori.

2007 yil

Umarali Normatov. O‘tkir Hoshimov. Adabiy portret. Yangi o‘zbek adabiyoti. Toshkent “Universitet” nashriyoti.

1962–2007 yillar

60 dan ortiq kitobi turli tillarda ikki milliondan ortiq nusxada nashr etildi. Qator dramatik asarlari O‘zbekiston va qo‘shni mamlakatlar teatrlarida sahnalashtirildi. Roman, qissa, hikoyalari asosida yaratilgan film va telefilmlar namoyish qilindi.

 

ALOHIDA NASHR ETILGAN NASHRLARI

1962 yil

Po‘lat chavandoz. Ocherklar. O‘ylar. Toshkent. “Toshkent” nashriyoti. 40 b.

1965 yil

Gunafsha. “Cho‘l havosi”. Qissa va hikoyalar. Toshkent. “Yosh gvardiya” nashriyoti. 156 b.

1966 yil

Odamlar nima derkin… Qissa. Toshkent. G‘. G‘ulom nomidagi Adabiyot va san’at nashriyoti. 100 b.

1970 yil

Bir tomchi shudring. Shamol esaveradi. Qissa. Hikoyalar. Toshkent.
“Yosh gvardiya” nashriyoti. 200 b.

Bahor qaytmaydi. Qissa va hikoyalar. Toshkent. G‘. G‘ulom nomidagi Adabiyot va san’at nashriyoti. 220 b.

Den moti’lka. Povest i rasskazi’. Moskva. Izdatelstvo “Molodaya gvardiya” Per. M. Ganinoy. Poslesloviye A. Sharafiddinova. 190 str.

1971 yil

Den moti’lka. Povest i rasskazi’. Pereizdaniye. Per. M. Ganinoy. Moskva. Izdatelstvo “Molodaya gvardiya”.

1973 yil

Qalbingga quloq sol. Qissa. Hikoyalar. Toshkent. G‘. G‘ulom nomidagi Adabiyot va san’at nashriyoti. 210 b.

1974 yil

Prislushaysya k serdsu. Povest i rasskazi’. Per. B. Parmuzina. Tashkent. Izdatelsvo Literaturi’ i iskusstva im. G. Gulyama. 276 str.

1975 yil

Uzun kechalar. Bahor qaytmaydi. Qissa. Hikoyalar. Toshkent. “Yosh gvardiya” nashriyoti. 232 b.

Nimalar bo‘ldi. Hikoyalar. Toshkent. G‘. G‘ulom nomidagi Adabiyot va san’at nashriyoti. 112 b.

1977 yil

Yer farzandimiz. O‘ylar. Toshkent. “O‘zbekiston” nashriyoti. 120 b.

Nur borki, soya bor. Roman. Toshkent. G‘. G‘ulom nomidagi Adabiyot va san’at nashriyoti. 240 b.

1979 yil

Svet ne bez teni. Roman. Per. V. Turbinoy. Moskva. Izdatelstvo
“Sovetskiy pisatel”. 406 str.

1980 yil

Quyosh tarozisi. Qalbingga quloq sol – qissa. Shamol esaveradi – qissa. Bahor qaytmaydi – qissa. Hikoyalar. Toshkent, G‘. G‘ulom nomidagi Adabiyot va san’at nashriyoti. 326 b.

1981 yil

Nur borki, soya bor. Roman. Qayta nashr. Toshkent. “Yosh gvardiya” nashriyoti. 281 b.

Mashina sotaman. Hajviy hikoyalar. Toshkent, “Mushtum” kutubxonasi”. 40 b.

1982 yil

Dunyoning ishlari. Qissa. Hikoyalar. Toshkent,. G‘. G‘ulom nomidagi Adabiyot va san’at nashriyoti. 224 b.

Nur va soya. Hikoyaho. Tojik tilida. Dushanbe. Nashriyoti “Maorif”. 160 b.

1983 yil

Svet ne bez teni. Roman. Per. V. Turbinoy. Pereizdaniye. Tashkent. Izdatelstvo Literaturi’ i iskusstva im. G. Gulyama. 312 str.

Yalpiz somsa. Hikoyalar. Bolalar uchun. Toshkent. “Yosh gvardiya” nashriyoti. 48 b.

1984 yil

Dela zemnge. Povest i rasskazsh. Per avtora i A. Atakuziyeva. Moskva. Izdatelstvo “Sovetskiy pisatel”. 312 str.

Oq kamalak. Hikoyalar. O‘ylar. Toshkent. G‘. G‘ulom nomidagi Adabiyot va san’at nashriyoti. 176 b.

1985 yil

Sirli yulduz. Kvazarlar. Qissa. Dunyoning ishlari. Qissa. Hikoyalar, hajviy hikoyalar. Toshkent. G‘. G‘ulom nomidagi Adabiyot va san’at nashriyoti. 272 b.

Lastochki letayut vi’soko. Povest Kvazari’. Rasskazi’. Tashkent. Izdatelstvo “Yosh gvardiya”. 160 str.

1986 yil

Ikki eshik orasi. Roman. Toshkent. G‘. G‘ulom nomidagi Adabiyot va san’at nashriyoti. 560 b.

1987 yil

Xazina. O‘ylar. Toshkent. “O‘zbekiston” nashriyoti. 128 b.

Ikki karra ikki besh. Qissa. Hajviy hikoyalar. Intermediyalar. Toshkent. “Yosh gvardiya” nashriyoti. 224 b.

1988 yil

Dela zemni’e. Povest i rasskazi’. Per avtora i A. Atakuziyeva. Pereizdaniye. Tashkent. Izdatelstvo Literaturi’ i iskusstva im. G. Gulyama. 310 str.

1989 yil

Voyti i vi’yti. Roman. Per. E. Umarov. Moskva. Izdatelstvo “Sovetskiy pisatel”. 560 str.

Ikki eshik orasi. Roman. Qayta nashr. Toshkent, G‘. G‘ulom nomidagi Adabiyot va san’at nashriyoti. 544 b.

1990 yil

Notanish orol. O‘ylar, ijodiy suhbatlar, hangomalar. Sayohatnomalar. Toshkent. “Yosh gvardiya” nashriyoti. 210 b.

1991 yil

Iztirob. Hikoyalar. Toshkent. “Yozuvchi” nashriyoti. 32 b.

1992 yil

Tushda kechgan umrlar. Roman. “Sharq yulduzi” jurnali. № 6-7. Saylanma. Bir jildlik. Bahor qaytmaydi. Cho‘l havosi – qissa.

Bahor qaytmaydi. Qissa. Qalbingga quloq sol. Qissa. Hikoyalar. Hajviy hikoyalar. Ozod Sharafiddinov. “El ardoqlagan adib”. So‘zboshi. Toshkent. G‘afur G‘ulom nomidagi Adabiyot va san’at nashriyoti. 448 b.

1993 yil

Shumlik. Hajviy hikoyalar. Toshkent “Nur” IICHB-”Yozuvchi” nashriyoti. 62 b.

Saylanma. Ikki jildlik. Nurli dunyo. Birinchi jild. Dunyoning ishlari. Qissa, Nur borki, soya bor. Roman, Tushda kechgan umrlar. Roman. Hikoyalar. Hajviy hikoyalar. Toshkent. “Nur” IICHB – “Sharq” Nashriyot-matbaa konserni. 688 b.

Saylanma. Ikki jildlik. Umr savdosi. Ikkinchi jild. Ikki eshik orasi. Roman. Hikoyalar. Hajviy hikoyalar. O‘ylar. Toshkent. “Nur” IICHB – “Sharq” Nashriyot-matbaa konserni. 688 b.

1994 yil

Tushda kechgan umrlar. Roman. Toshkent. “Sharq” Nashriyot-matbaa konserni. 336 b.

To‘ylar muborak. Komediya. Hajviy hikoyalar. Toshkent. “Navro‘z” nashriyoti. 80 b.

1996 yil

Ikki eshik orasi. Roman. “XX asr o‘zbek romani” seriyasi. Umarali Normatov. “Yillar. Yo‘llar. Taqdirlar”. So‘ngso‘z. Toshkent. “Sharq” Nashriyot-matbaa konserni. 560 b.

1998 yil

Osmondan tushgan pul. Hajviy hikoyalar. Toshkent. “Ma’naviyat” nashriyoti. 104 b.

Saylanma. Ikki jildlik. Qayta nashr. Nurli dunyo. Birinchi jild. Dunyoning ishlari. Qissa. Nur borki, soya bor. Roman. Tushda kechgan umrlar. Roman. Hikoyalar. Hajviy hikoyalar. Qayta nashr. Toshkent. “Sharq” Nashriyot-matbaa konserni. 688 b.

Saylanma. Ikki jildlik. Umr savdosi. Ikkinchi jild. “Ikki eshik orasi. Roman. Hikoyalar. Hajviy hikoyalar. O‘ylar. Toshkent. “Sharq” Nashriyot-matbaa konserni. 688 b.

Daftar hoshiyasidagi bitiklar. KaytattyaShryQirq yillik kuzatuvlar kitobi. Toshkent. “Sharq” Nashriyot-matbaa konserni. 176 b.

2000 yil

Ikki eshik orasi. Roman. “XX asr o‘zbek romani” seriyasi. Toshkent. “Sharq” Nashriyot-matbaa konserni. Ozod Sharafiddinov. El ardog‘idagi adib. So‘ngso‘z. 608 b.

Chana. Bolalar uchun hikoyalar. Toshkent. G‘. G‘ulom nomidagi Adabiyot va san’at nashriyoti. 24 b.

2001 yil

Tomchining sarguzashtlari. Lotin imlosida. Bolalar uchun. 24 b.

2002 yil

Saylanma. Ikki jildlik. Birinchi jild. Bahor sog‘inchi. Bahor qaytmaydi. Qissa. Ikki karra ikki – besh. Qissa. Hikoyalar. Inson sadoqati – Drama. Hajviy hikoyalar. Toshkent. G‘afur G‘ulom nomidagi Adabiyot va san’at nashriyoti. Said Ahmad. “Ijod va jasorat”. So‘z boshi. 466 b.

Saylanma. Ikki jildlik. Hadikli tushlar. Ikkinchi jild.

Tushda kechgan umrlar. Roman. Hikoyalar. Qatag‘o. Fojia. To‘ylar muborak. Komediya. Hajviy hikoyalar. O‘ylar. Toshkent. G‘afur G‘ulom nomidagi Adabiyot va san’at nashriyoti. 410 b.

2003 yil

Shohruxning topishmoqlari. Lotin imlosida. Bolalar uchun. Toshkent. “Sharq” Nashriyot-matbaa konserni. 32 b.

2004 yil

Dunyoning ishlari. Qissa. Lotin imlosida. Toshkent. “Sharq” Nashriyot-matbaa konserni. 208 b.

Daftar hoshiyasidagi bitiklar. Qayta nashr. Toshkent. “Sharq” Nashriyot-matbaa konserni. 272 b.

2005 yil

Bahor qaytmaydi. Qissa. Lotin imlosida. Toshkent. “Sharq” Nashriyot-matbaa aksiadorlik kompaniyasi. 128 b.

Dunyoning ishlari. Qissa. Lotin imlosida qayta nashr. Toshkent. “Sharq” Nashriyot-matbaa aksiadorlik kompaniyasi.

Daftar hoshiyasidagi bitiklar. Qayta nashr. Toshkent. “Sharq” Nashriyot-matbaa aksiadorlik kompaniyasi. 272 b.

2006 yil

Daftar hoshiyasidagi bitiklar. Qayta nashr. Toshkent. “Sharq” Nashriyot-matbaa aksiadorlik kompaniyasi. 272 b.

O‘zbeklar. Hikoyalar. O‘ylar. Hajviy hikoyalar. Lotin imlosida. Toshkent. G‘. G‘ulom nomidagi Adabiyot va san’at nashriyoti. 256 b.

2007 yil

Ikki eshik orasi. Roman. Qayta nashr. “XX asr o‘zbek romani” seriyasi. Toshkent. “Sharq” Nashriyot-matbaa aksiadorlik kompaniyasi. 576 b.

Bahor qaytmaydi. Qissa. Lotin imlosida. Qayta nashr. Toshkent. “Sharq” NMAK. 128 b.

 

TARJIMALAR

Olga Berggols. Kunduzgi yulduzlar. Qissa. G‘. G‘ulom nomidagi Adabiyot va san’at nashriyoti. 1975 yil. 230 b.

V. Shukshin. Chol, qiz va oftob. Hikoyalar. Xayriddin Sultonov bilan hamkorlikda. Toshkent. G‘. G‘ulom nomidagi Adabiyot va san’at nashriyoti. 1980 yil. 276 b.

Mustay Karim. Bolalik yillarim. Qissa. Odil Yoqubov bilan hamkorlikda G‘. G‘ulom nomidagi Adabiyot va san’at nashriyoti.

Shuningdek, adib tomonidan tarjima qilingan Stefan Sveyg E. Xeminguey, K. Simonov, K. Paustovskiy, J. London va boshqa adiblarning asarlari vaqtli matbuotda e’lon qilingan.

 

SAHNA ASARLARI

Xazon bo‘lgan bahor. Drama.

“Birovning tashvishi” (Inson sadoqati). Ruhiy drama.

To‘ylar muborak. Komediya.

Vijdon dorisi. Satirik komediya.

Qatag‘on. Fojia.

Sahna asarlari mamlakatimizning qator teatrlarida, shuningdek, Tojikiston, Qirg‘iziston, Qozog‘iston, Turkmanistonda sahnalashtirilgan. Yozuvchi qardosh xalqlar adabiyoti va jahon dramaturgiyasi vakillarining o‘ndan ortiq pyesasini tarjima qilgan.

 

FILMLAR. TELESPEKTAKLLAR.

RADIOINSTSENIROVKALAR

Muxlis. “Muhabbat” hikoyasi asosida badiiy film.

O‘. Hoshimov. Ozod Sharafiddinov haqida hujjatli film

Sakkizinchi mo‘jiza. O‘tkir Hoshimov haqida hujjatli telefilm

Odamlar nima derkin? Telespektakl.

Bahor qaytmaydi. Telespektakl.

Qalbingga quloq sol. Telespektakl.

Inson sadoqati. Telespektakl

Nur borki, soya bor. Telespektakl.

Dunyoning ishlari. Telespektakl.

Uzun kechalar. Telespektakl.

Quyosh tarozusi hikoyasi asosida. Telespektakl.

Mahallaning onasi hikoyasi asosida telespektakl.

Ko‘kyo‘tal. Hajviy telespektakl.

Cho‘l havosi. Radioinssenirovka.

Dunyoning ishlari. Radioinssenirovka.

O‘zbek ishi. Radioinssenirovka.

Ko‘pgina asarlari ingliz, fransuz, nemis, ispan, turk, fors, arab, yapon, hind va boshqa xorijiy tillarga tarjima qilinib, to‘plam va vaqtli nashrlarda chop etilgan.

“Nur borki, soya bor” bulg‘or tilida, “Dunyoning ishlari” vyetnam tilida kitob bo‘lib chiqqan. “Tushda kechgan umrlar” “Ikarus” jurnalida (AQSH) bosilgan. “Dunyoning ishlari”, “Bahor qaytmaydi”, “Nur borki, soya bor”, “Ikki eshik orasi” asarlari, qator hikoyalari maktab va oliy o‘quv yurtlari dasturi va darsliklariga kiritilgan.

Nashr etilgan kitoblarining umumiy tiraji ikki yarim million nusxaga yaqin.

E’lon qilingan asarlarning umumiy hajmi

Badiiy-nasriy asarlar – 150 bosma toboq.

O‘ylar – 100 bosma toboq

Dramaturgiya – 20 bosma taboq.

Badiiy tarjimalar – 40 bosma toboq.

 

O‘TKIR HOSHIMOV IJODI HAQIDA

1964 yil

Safarov M. Navqiron qalb ovozi. (“Cho‘l havosi” qissasi haqida). “O‘zbekiston madaniyati” gaz. 15 yanvar.

Qahhor Abdulla. O‘. Hoshimovga xat. “Sharq yulduzi” jurn. №3. B. 156.

Ubaydullayev Sh. Ikromov H. (“Cho‘l havosi” qissasi haqida). “Sirdaryo haqiqati” gaz. 11 fev.

1967 yil

Nuriy Hamid. Sof muhabbat qo‘shig‘i. (“Shamol esaveradi” qissasiga taqriz). “Yosh leninchi” gaz. 24 iyun

1969 yil

Sodiq Sanjar. Hamisha bahor bo‘lsin. (“Bahor qaytmaydi” qissasiga taqriz). “Guliston” jurn.

1970 yil

G‘afurov I. Parvoz va’dalari. (“Bir tomchi shudring” to‘plamiga so‘zboshi).

G‘afurov I. Yangi sahifalar taassuroti. “Sharq yulduzi” jurn.

Abdurahmonova M. Tuyg‘ular tahlili. (“Bahor qaytmaydi” hikoyalar va qissalar to‘plami haqida). “Yosh leninchi” gaz. 7 avg.

Yakvalxo‘jayev Yo. Bahor nafasi (“Bahor qaytmaydi” qissasi haqida) “O‘zbekiston madaniyati” gaz. 12 iyun.

1973 yil

Norboyev Botir. Yuksalish yo‘lida: (O‘. Hoshimov ijodi haqida). “Yosh leninchi” gaz. 10 okt.

Rasulov A., Karimov N., Ismatullayev X. Asosiy qahramon – yoshlik. (O‘. Hoshimov ijodida). “O‘zbekiston madaniyati” gaz. 27 noyabr.

Xolmatov Sh., Nurmuhamedov O‘. Yetuklik. (O‘. Hoshimov ijodi haqida). “O‘qituvchilar gazetasi”. 18 okt.

1974 yil

Rasulov A., G‘ulomov B. O‘qish kitobi. (“Qalbingga quloq sol” qissasi haqida). “Sharq yulduzi” jurn. № 2.

G‘afurov I. Parvoz va’dalari. (“Bir tomchi shudring” kitobiga so‘zboshi).

G‘ulomov B. Rasulov A. Fidoyilik va xudbinlik. (Ogahiy nomidagi Xorazm viloyat teatrida sahnalashtirilgan “Birovning tashvishi” dramasi haqida). “O‘zbekiston madaniyati” gaz. 30 iyul.

Ma’naviy go‘zallik talqini. (Shu drama haqida). “Guliston” jurn. № 7.

Bahor qaytmaydi. (Shu nomdagi kitob haqida). “Yosh leninchi” gaz. 13 noyabr

Yoqubov O. Prislushaysya k svoyemu serdsu. “Literaturnaya gazeta”, 16 okt.

Nasriddinov A. Nurli tuyg‘ular. (O‘. Hoshimov hikoyalari haqida). “Namangan haqiqati” gaz. 8 fev.

1975 yil

Bahor hazon bo‘lmasin. (“Yosh gvardiya” teatrida sahnalashtirilgan “Xazon bo‘lgan bahor” spektakli haqida). “O‘qituvchilar gazetasi”.

Birovning tashvishi. (Shu nomli spektaklga taqriz). “O‘zbekiston madaniyati” gaz. 25 aprel.

Karimov X… Jozibadorlik siri. (“Nimadir bo‘ldi” kitobi haqida). “O‘zbekiston madaniyati” gaz.

Rasulov A. Yo‘l boshida. (O‘. Hoshimov ijodi haqida). Ilmiy asarlar to‘plami. Toshkent un-ti, № 491 (2-qism). B. 37-47.

1976 yil

Normatov U. Extiros to‘lqinlari. (“Nur borki, soya bor” romani haqida). “O‘zbekiston madaniyati” gaz. 30 noyabr.

Ibrohimov M. Nur ko‘paygach soyalar kamayadi. (“Nur borki soya bor” romani haqida). “Mehnat va turmush” jurn. 1976 yil.

Rasulov A. Asosiy qahramon – yoshlik. “O‘qituvchilar gazetasi”, 7 noyabr.

Rasulov A. Hayot nurga to‘lsin. “Sovet O‘zbekistoni” gaz. 16 dek.

Xazratkulov M. Burch va sadoqat. (“Inson sadoqati” telespektaklk haqida). “O‘zbekiston madaniyati” gaz. 6 yanvar.

Sadoqat madhi “O‘qituvchilar gazetasi”, 8 yanv.

Inson sadoqati. Taqriz. “Toshkent haqiqati” gaz. 9 yanv.

Boymatov M. Tarjimon mahorati. (Olga Berggolsning U. Hoshimov tarjimasidagi “Kunduzgi yulduzlar” qissasi haqida). “O‘zbekiston madaniyati” gaz. 9 iyun.

Rasulov T. Nurmuhamedov O‘. Sadoqat madhi. (“Inson sadoqati” telespektakli haqida taqriz). “O‘qituvchilar gazetasi” 8 yanv.

Rasulov A. Safarov M. Bosh qahramon – yoshlar. “O‘zbekiston madaniyati” gaz. 23 okt.

Rasulov T. Nurmuhamedov O‘. Talantning yorqin yo‘li. “O‘qituvchilar gazetasi” 7 noyabr.

G‘ulomov B. Nafis va shiddatli asar. (“Nur borki, soya bor” romani haqida). “O‘qituvchilar gazetasi”, 19 dek.

Rasulov A., G‘ulomov B. Komediya talqinlarida. “O‘zbekiston madaniyati” gaz., 21 sentyabr.

Jozibadorlik siri. (“Nimadir bo‘ldi” hikoyalar to‘plami haqida). “Toshkent haqiqati” gaz. 25 dek.

Muhamedov E. Inson sadoqati. (O‘. Hoshimov dramasi asosida Toshkent televideniyesi “Yoshlik” studiyasi tomonidan ekranlashtirilgan spektakl haqida). “Toshkent haqiqati” gaz. 10 yanv.

Isayev S. O krasote dushi chelovecheskoy. (Retsenziya knigi U. Xashimova “Prislushaysya k serdsu”). Jurn. “Zvezda Vostoka” № 3. S. 123-125.

1977 yil

Abdullayev R., Xo‘jayev B., Azlarov T. Nur yaxshilik ramzi. (“Nur borki, soya bor” telespektakli haqida). “Sovet O‘zbekistoni” gaz. 4 sent.

Ibrohimov M. Nur kuchaygach, soyalar yo‘qoladi. (O‘. Hoshimovga ochiq xat). “Mehnat va turmush” jurn. № 5. B. 20-21.

Rasulov A. Nurdan nur olib. (“Nur borki, soya bor” romani asosida tayyorlangan telepostanovka hakida). “O‘zbekiston madaniyati” gaz. 2 sent.

Shermuhamedov P., Mahmudov M. Nurni avaylash kerak. (“Nur borki, soya bor” romaniga taqriz). “Yosh leninchi” gaz. 12 may.

Xudoyberganov N. To‘qnashuvlar haqqoniy bo‘lsa. “Guliston” jurn. №4.

Rasulov A. O‘tkir Hoshimov. “O‘zbekiston yoshlari mukofoti laureatlari” kitobi.

Saidov O‘. Hayotiy lavhalar. (“Yer farzandimiz” kitobi haqida). 26 aprel.

Normatov K. Bosh mezon hayotiylik. “O‘zbekiston madaniyati” gaz., 28 iyun.

Sharafiddinova M. Svet ne bez teni. “Zvezda Vostoka” jurn. № 10.

Isroilov N. Jannatmakon o‘lka qissasi. “Yer farzandimiz” kitobi haqida. “Sirdaryo haqiqati” gaz.

1978 yil

Abdullayev M. Tuyg‘ular tasviri. (“Qalbingga quloq sol” telespektakli haqida). “O‘zbekiston madaniyati” gaz. 8 avg.

Qo‘shoqov N., Pardayev A. Badiiy ijodda maktab va maorif mavzusi. (“Nur borki soya bor” romani haqida). “O‘qituvchilar gazetasi”, 3 fev.

Rasulov A. San’atkor mas’uliyati. “O‘zbekiston madaniyati” gaz., 7 okt.

Xudoyberganov N. Tolko svet i tolko teni. Bondarenko N. Na to i pamflet. (“Svet ne bez teni” – “Nur borki soya bor” romani haqida ikki, fikr). “Literaturnaya gazeta”, 8 avg.

Naumov A. Sut yego naturi’. “Svet ne bez teni” romani haqida. “Pravda Vostoka” gaz. 19 avg.

Rasulov A. San’atkor mas’uliyati. (O‘. Hoshimov ijodi haqida). “O‘zbekiston madaniyati” gaz. 7 okt.

1980 yil

Sultonova M. Oila va yozuvchi pozitsiyasi. (O‘. Hoshimov asarlarida ayol obrazi). “O‘zbek tili va adabiyoti” jurn. № 15. B. 32-38.

Qo‘chqorov Ya. E’tiqod shu’lalari. (“Quyosh tarozisi” kitobiga taqriz). “O‘zbekiston madaniyati” gaz. 25 iyul.

1981 yil

Karimov X. Muhabbat va kurash jozibasi. (“Quyosh tarozisi” kitobiga taqriz). “Sharq yulduzi” jurn. № 10. B. 226-227.

Mirzo Yong‘in. Kimning mayli kimda bo‘lsa. (“Baland dorga osilma” komediyasi haqida) “O‘zbekiston adabiyoti va san’ati” gaz. 26 iyun.

G‘ulomov B. Rasulov A. Kuldiradi. O‘ylatadi. (“Baland dorga osilma” komediyasi haqida). “Toshkent oqshomi” gaz. 17 fev.

Abdullayev M. Sevgi qudrati. (“Baland dorga osilma” komediyasi haqida). “O‘zbekiston madaniyati” gaz.

Egamnazarov M. Baland dorga osilma. “Yosh leninchi” gaz.

Xazratqulov M. Sevgi qudrati. “Toshkent haqiqati” gaz.

Xazratqulov M. Burchmi yo qahramonlik? (“Inson sadoqati” asari asosida ishlagan telespektakl haqida). “Uzbekiston adabiyoti va san’ati” gaz. 5 iyun.

1982 yil

Qo‘shjonov M. Hayot haqiqati va badiiy haqiqat. Kitob.

Xo‘jayev M. Nur va soya. Tojikiston “Irfon” nashriyotida tojik tilida chop etilgan O‘. Xrshimov hikoyalar to‘plami haqida. “Haqiqati O‘zbekiston” gaz.

Qo‘shjonov M. Onaga ta’zim. (“Dunyoning ishlari” qissasi haqida). “Qishloq haqiqati” gaz. 20 mart.

Mirvaliyev S. Ona haqida qo‘shiq. (“Dunyoning ishlari” qissasi haqida) “O‘zbekiston adabiyoti va san’ati” gaz.

G‘ulomov B. Mehr dostoni. (“Dunyoning ishlari” qissasi haqida). “Toshkent haqiqati” gaz.

Mamajonov S. Ona – tabiat ihtirosi: (“Dunyoning ishlari” qissasiga taqriz). “Sovet O‘zbekistoni” gaz. 16 mart.

Sharafiddinov O. Ona. (“Dunyoning ishlari” qissasi haqida). “O‘zbekiston adabiyoti va san’ati” gaz. 8 mart.

1984 yil

Xudoyberganov N. Me’yor va tasvir. “O‘zbekiston adabiyoti va san’ati” gaz. Yanv.

1984 yil

Sharafiddinov O. Ba’zi zarur mulohazalar. “O‘zbekiston adabiyoti va san’ati” gaz. 11 fev.

Olimjonov X. Sendan ugina. (“Yosh gvardiya” teatrida sahnalashtirilgan “Vijdon dorisi” spektakli haqida). “Toshkent haqiqati” gaz. Iyun.

Rasulov T. Kamalak jilosi. (“Oq kamalak” kitobi haqida). “Toshkent oqshomi” gaz.

Adibning ikki jildli saylanmasi. “O‘zbekiston adabiyoti va san’ati” gaz.

Pardayev A. Kurashchan publitsistika va yorqin harakterlar: (O‘. Hoshimov publitsistikasiga bir nazar). “Muxbir” jurn. №8. B. 36-37.

Gulyamov B. Oda materi. (Retsenziya knigi U. Xashimova “Dela zemnyu”). Jurn. “Zvezda Vostoka”, №1. S. 158-160.

1985 yil

Normatov U. Taqdirlar romani. “Ikki eshik orasi” romani haqida. “O‘zbekiston adabiyoti va san’ati” gaz. 27 noyabr.

Rasulov T. E’tiqodlar romani. (“Ikki eshik orasi” romaniga
taqriz) “O‘qituvchilar gazetasi” 20 dek.

1986 yil

Qurbonov Z. Tinchlik ishiga kamarbasta. (“Ikki eshik orasi” romani haqida). “O‘zbekiston dabiyoti va san’ati” gaz. 31 okt.

Haydarov S. Tutash taqdirlar qismati. (“Ikki eshik orasi” romaniga taqriz). “Toshkent haqiqati” gaz. 15 fev.

Inog‘omov R. Xalq hayotining yorqin tasviri. “Qishloq haqiqati” gaz. 14yanv.

1987 yil

Xudoyberganov N. Oshkoralik – muhim vosita. (“Ikki karra ikki
besh” satirik qissasi haqida). “O‘zbekiston adabiyoti va san’ati” gaz. 19
iyun.

Muqimov R. Yig‘i bilan yo‘g‘rilgan kulgi. (“Ikki karra ikki besh” satirik qissasi haqida). “O‘zbekiston adabiyoti va san’ati” gaz. 19 iyun.

G‘afurov I. Sabotga ta’zim. (“Ikki eshik orasi” romani haqida). “Sovet O‘zbekistoni” gaz. 3 yanv.

Uzoqov H. O‘rtada minglab kitobxon bor. (“Ikki karra ikki – besh” qissasi haqida). “O‘zbekiston adabiyoti va san’ati” gaz. Iyul.

Yo‘ldoshev Q. Davrga yo‘g‘rilgan taqdirlar. (“Ikki karra ikki besh” qissasi haqida). “Yosh leninchi” gaz. 11 fev.

Sobirov Q. “Bepardoz haqiqat qissasi”. (“Ikki karra ikki besh” qissasi haqida). “Qishloq haqiqati” gaz. 3 iyul.

Shukurov N. Tutash taqdirlar. “Lenin yo‘li” gaz. Samarqand. 3 yanv.

G‘ulomov B. Rasulov A. Inson va zamon – tutash taqdir. (“Birovning tashvishi” dramasi haqida). “Toshkent oqshomi” gaz.

1988 yil

Xudoyberganov N. Ahil bo‘laylik, ammo… (O‘. Hoshimovning “Bir-birimizni asraylik” maqolasi muhokamada) “O‘zbekiston adabiyoti va san’ati” gaz. 27 may.

1989 yil

Bobomurodov R. Notanish orol. (Shu nomli kitob haqida). “Toshkent
oqshomi”gaz.

O‘ljaboyev U. O‘zbek harbiy prozasida xarakter yaratishning ba’zi muammolari. Kitob.

1990 yil

Saidov S. Notinch yolg‘izlik. (“Notanish orol” kitobiga taqriz). “O‘zbekiston adabiyoti va san’ati” gaz. 13 apr.

1991 yil

Abdullayev O. Notanish orolga sayohat. (O‘. Hoshimov ijodi haqida) “Guliston”jurn. № 10. B. 22-23.

Ahmad Said. Tongda tug‘ilgan kitoblar. (O‘. Hoshimov – 50 yoshda). “O‘zbekiston ovozi” gaz. 13 sent.

Inog‘omov R. O‘zbek adabiyotining zabardast vakili. (O‘. Hoshimov – 50 yoshda). “Qishloq haqiqati” gaz. 7 noyabr.

Mamajonov S. E’tiqod: Adib ijodiga bag‘ishlangan sahifa.
(O‘. Hoshimov – 50yoshda). “O‘zbekiston ovozi” gaz. 19 noyabr. •

Rasulov A. Ijodning sirli ibtidosi: (O‘. Hoshimov ijodi haqida) “Yoshlik” jurn. № 12. B. 64-68.

G‘afurov I. Yurak adibi. (O‘. Hoshimov – 50 yoshda). “O‘zbekiston ovozi” gaz. 9 noyabr.

Hotam G‘affor. Qarzdorlik. (O‘. Hoshimov – 50 yoshda). “Xalq so‘zi” gaz. 12 noyabr.

Shunday asar yozganki… (O‘. Hoshimovning 50 yoshiga bag‘ishlangan sahifa). “Yosh leninchi” gaz.

Normatov U. Joziba sirlari. Boshqa materiallar. (Adib ijodiga bag‘ishlangan sahifa). “O‘zbekiston adabiyoti va san’ati” gaz, 8 noyabr.

Dilmurodov A. Tug‘yon ichra halovat. Egamberdiyev D. Elda nazar topdi. (Adibga bag‘ishlangan sahifa). “Toshkent oqshomi” gaz. 9 noyabr.

Nigoh. Adib ijodi haqida turkum maqolalar. “Yoshlik” jurn. Okt.

Sayyor. Qadamingizga xasanot. Meni qurshagan tuyg‘u. (Adib ijodi haqida sahifa). “Ishonch” gaz.

Rasulov T. Ikki umr lazzati. (O‘. Hoshimov portretiga chizgilar).
“Toshkent oqshomi” gaz. 8 noyab

Ubaydullayev T. Dunyoning ishlari va faqat u haqda emas. (Adib ijodiga bag‘ishlangan sahifa). “Toshkent oqshomi” gaz. 11 noyabr.

Ubaydullayev T. Ustozi avval. “Ma’rifat” gaz. 9 noyabr.

Ko‘p hangomalar o‘tdi. (Adib ijodi haqida sahifa). “Oila va jamiyat” gaz. Noyabr.

Rasulov Abdug‘afur. Ijodning sirli ibtidosi. “Yoshlik” jurn. №12.

1992 yil

Normatov U. Faryod. (“Tushda kechgan umrlar” romani haqida). “O‘zbekiston adabiyoti va san’ati” gaz. 14 avg.

O‘ljaboyev U. Xotirada chizilgan izlar. Kitob.

Sharafuddinov O. El ardoqlagan adib. “Bahor qaytmaydi” saylanmasiga so‘zboshi.

1993 yil

Norqobilov Q. Qizg‘aldoq va tank. (“Tushda kechgan umrlar” romani haqida). “O‘zbekiston adabiyoti va san’ati” gaz. 16 iyul.

Mirvaliyev S. O‘. Hoshimov. O‘zbek adiblari (ixcham adabiy portretlar). – T., Fan, B. 188-189.

1994 yil

Ahmad S. Ijod va jasorat. (O‘. Hoshimov ijodi haqida). “Istiqbol” gaz. 2 dek.

1995 yil

Ahmad S. “Ijod va jasorat” “O‘zbekiston adabiyoti va san’ati” gaz. 25 fev.

Adibning ikki jildlik saylanmasi. “Nurli dunyo” va “Umr savdosi” kitoblari haqida. “O‘zbekiston adabiyoti va san’ati” gaz. 16 iyul.

1996 yil

Ahmad S. Qo‘rqinchli tushlar. (“Tushda kechgan umrlar” romani haqida). “O‘zbekiston adabiyoti va san’ati” gaz. 25 sent.

Normatov U. Badiiy kashfiyot. (“Tushda kechgan umrlar” romani haqida). “O‘zbekiston ovozi” gaz. 30 okt.

Normatov U. Yillar, yo‘llar, taqdirlar. (“Ikki eshik orasi” romanining oltinchi nashriga so‘ngso‘z).

Yo‘ldoshev Q. Ko‘ngil mulkiga sayoxat. “Turkiston” gaz. 9 okt.

Rasulov A. Roman – ehtiroslar va haqiqatlar dunyosi. “O‘zbekiston adabiyoti va san’ati” gaz. 30 okt.

1999 yil

Sharafiddinov O. O‘tkir Hoshimov. Adabiy portret. “XX asr o‘zbek adabiyoti tarixi” darsligi.

Tursunboyev S. Yechim va ijro. “O‘zbekiston adabiyoti va san’ati” gaz.
13 avg.

Ahmad Said. Ijod va jasorat. (O‘. Hoshimov haqida). Yo‘qotganlarim va topganlarim. Xotiralar. Adabiy o‘ylar. – T., “Sharq” nashr. B. 226-232.

2000 yil

Sharafiddinov O. El ardog‘idagi adib. “Ikki eshik orasi” romanining yettinchi nashriga so‘ngso‘z.

To‘rayeva U. Davr va qahramon. (“Tushda kechgan umrlar” romani misolida). “O‘zbek tili va adabiyoti” jurn. №2. B. 41-44.

Eshbek To‘lqin. Hayotiy bitiklar. (“Daftar xoshiyasidagi bitiklar” kitobi haqida). “O‘zbekiston adabiyoti va san’ati” gaz. 25 fev.

2001 yil

O‘. Hoshimov. “Sakkizinchi mo‘jiza”. (Yozuvchi ijodi haqida hujjatli telefilm).

Sharafiddinova M. O povestvovatelnoy strukture romana U. Xashimova “Voyti i vi’yti”. Jurn. “Prepodavaniya yazi’ka i literaturi’” № 3.

Ahmad Said. Elning suyukli adibi. (O‘. Hoshimov ijodi haqida). “Xalq so‘zi” gaz. 27 iyul.

Yormatova G. Sen yashagin. She’r. (U. Hoshimovning “Tushda kechgan umrlar” romanini o‘qib). “Saodat” jurn. № 3. B. 9.

Imomkarimova M. Milliy qadriyatlarni aks ettirishda adib, mahorati. (“Ikki eshik orasi” romani haqida). “Sharq yulduzi” jurn. № 4. B. 129-130.

Kitobingizni o‘qidim. (O‘. Hoshimov kitoblari haqida o‘quvchilar maktubi). “Saodat” jurn. № 3. B. 9.

Normatov U. Ruhiyat manzaralari. (O‘. Hoshimov tavalludining 60 yilligiga). “Til va adabiyot ta’limi” jurn. № 3. B 56-68.

Normatov U. O‘zbekiston xalq yozuvchisi O‘. Hoshimov 60 yoshda. “O‘zbekiston adabiyoti va san’ati” gaz. 9 noyabr.

Rasulov A. Ijodning jon tomirlari. (“Inson sadoqati” dramasi va “Bahor qaytmaydi” qissasi haqida). “Guliston” jurn. № 5. B. 58.

Rasulov A. Ardoqli adib. O‘. Hoshimov hayoti va ijodiga chizgilar. Kitob. “Sharq” nashriyot-matbaa konserni. 127 bet.

Solijonov Y. “Ikki eshik orasi” (O‘. Hoshimov)dan “Lolazor” (M. Muhammaddo‘st romani)ga o‘tguncha… (Tahlil). “Sharq yulduzi” jurn. №4. B. 125-129.

So‘zlari o‘zidek samimiy adib. (O‘. Hoshimovning 60 yilligiga). “Boshlang‘ich ta’lim” jurn. №5. B. 6-8.

Normatov K. Inson qalbining muhandisi. (Adibning 60 yoshiga). “Adolat” gaz. 3 avg.

Hoshimova O‘. Dovdirlar nimaga kerak? (Adib ijodiy laboratoriyasi). “Milliy tiklanish” gaz. 20 fev.

Mansurov Y. To‘g‘ri chiqqan bashorat. (Adibning 60 yoshiga). “Toshkent oqshomi” gaz. 21 okt.

Normatov K. Ijodingiz gullayversin. “Toshkent oqshomi” gaz. 5 noyabr.

Kitobingizni o‘qidim. (O‘. Hoshimov asarlariga kelgan xatlar va “Daftar hoshiyasidagi bitiklar” kitobidan sahifalar). “Saodat” jurn. № 3.

Rasulov A. Begidir shumliklar. (O‘. Hoshimov hajviyoti haqida,). “Mushtum” jurn. № 6-7.

O‘. Hoshimovning 60 yoshiga bag‘ishlangan sahifa. “Bolalar dunyosi” gaz. Namangan. 20 okt.

Bortovskaya L. Urok posvyashyon pisatelyu. (Qashqadaryo maktablarida o‘tkazilgan adib ijodiga bag‘ishlangan darslar haqida). Gaz. “Kashkadarinskaya pravda”.

Bortovskaya L. Slushayte, govorit solnse! “Narodnoye slova” gaz. 31 okt.

Barkamollik samaralari. (Adibning 60 yoshiga). “Namangan haqiqati” gaz. 29 sent.

Men “Temiryo‘lchi”dan chiqqanman. “Temiryo‘lchi” gaz. 3 avg.

Normatov U. Nasrdagi shoir. “O‘zbekiston adabiyoti va san’ati” gaz. 9 sent.

Mirzayev S. So‘z san’atining zargari. “Zarafshon” gaz. 8 sent.

Normatov U., Quronov D. Romanning yangi umri. “Tushda kechgan umrlar” romani haqida. “Jahon adabiyoti” jurn. №9.

Hoshimova O‘. Yozuvchi nega yig‘laydi? (Yozuvchi laboratoriyasi haqida). “Oila va jamiyat” gaz. 31 iyul.

2002 yil

Alimov X. Tinchlik – buyuk ne’mat: (“Urushning so‘nggi qurboni” hikoyasi asosida noan’anaviy dars). “Ma’rifat” gaz. 27 apr.

Imomkarimova M. Milliy qadriyatlar ifodasi. (O‘. Hoshimov asarlari misolida) “Sog‘lom avlod uchun” jurn. № 3. B. 14-15.

Inog‘omov R. Iste’dodning yana bir qirrasi… (O‘. Hoshimov dramaturgiyasi haqida). “Teatr” jurn. №1. B. 9-10.

Normatov U. Niyat yaxshi, ammo… (Adabiyotshunos H. Karimovning “O‘. Hoshimovning adabiy portreti” kitobi xususida). “Ma’rifat” gaz. 6 apr.

Xalq sevgan yozuvchiga bag‘ishlab. Hayot bilan hamnafas. “Toshkent oqshomi”, “O‘zbekiston adabiyoti va san’ati” gaz., 29 mart.

Umarov F. Adabiyotimizning yorug‘ yulduzi. “O‘tkir Hoshimov” xujjatli telefilmi haqida. “O‘zbekiston ovozi” gaz. 28 mart.

Eshbek T. Qalbingga quloq sol. (Adibga bag‘ishlangan televizion hujjatli film haqida). “Hurriyat” gaz. 3 apr.

Norboyev O. Adib haqida film. “Xalq so‘zi” gaz. 28 mart.

Rasulov A. Atoqli va ardoqli adib. (O‘. Hoshimov ikki jildli Saylanmasining 2 jildi “Hadikli tushlar”ga so‘ngso‘z).

Normatov K. Buni umr deydilar. “Mohiyat” gaz. 25 yanv.

Mansurov Y. Suyukli adibning ijodiy lahzalari. (A. Rasulovning O‘. Hoshimov ijodiga bag‘ishlangan “Ardoqli adib” kitobi haqida). “Toshkent oqshomi” gaz. 14 yanv.

Yulduzlar bilan sirlashgan adib. “Muloqot” jurn. №2.

Sharafiddinova M. O xudojestvennoy strukture romana U. Xashimova “Voyti i vi’yti”. Jurn. “Prepodavaniye yazi’ka i literaturi’”, №2.

Rasulov A. Adabiy hayot fuqarosi (“Ikki eshik orasi” romanidagi Xusan duma prototipi haqida) “Kitob dunyosi” gaz.

2003 yil

Yo‘lchiyev D. Hamma kakliklarni otib qo‘ymang. (O‘. Hoshimov portretiga chizgilar). “Milliy tiklanish” gaz. 4 fev.

Akbarova Z. O‘. Hoshimov asarlari personajlari nutqida muloqot odobi. (Ilm. axborot). “O‘zbek tili va adabiyoti” jurn. №3. B. 63-65.

2004 yil

Sharafiddinova M. Chingiz Aytmatov i uzbekskaya literatura. Qiyosiy maqola. “Filologiya masalalari” jurn. №4.

Normatov I. Ma’naviyatni uvol qilmaylik. (O‘. Hoshimovning “Uvol” maqolasini o‘qib…) “Qishloq hayoti” gaz. 29 apr.

Xolmurodov A. Beg‘ubor qalb kechinmalari: (O‘. Hoshimov ijodi haqida). “Til va adabiyot ta’limi” jurn. B. 63-66.

Sharafiddinova M. Vremya i pamyat v romane U. Xashimova “Jizn v snovedeniyax” Jurn. “Prepodavaniye yaz. i lit. №5. S. 51-59.

2005 yil

Hoshimova O‘. “Oilam bilan qo‘sha qarisak…” (Adib ijodiy laboratoriyasi haqida). “Oila va jamiyat” gaz. 20 apr.

Normatov U. Hoshimov O‘tkir. O‘zbekiston milliy ensiklopediyasi 11 jild. / Tahriri hay’ati A. Azizxo‘jayev, B. Alimov, M. Aminov va boshq. – T.: O‘zbekiston milliy ensiklopediyasi Davlat ilmiy nashr. B. 382-383.

2006 yil

Sa’dullayeva Ya. Qog‘ozdagi zilol chashma. (“Daftar hoshiyasidagi bitiklar” kitobi haqida muallifga ochiq xat). “Toshkent xaftanomasi” gaz. 17 avg.
O‘rmonov A. “Bahor qaytmaydi”ning birinchi o‘kuvchilari edik. “Yetti karra yetti” gaz. Iyun
Abdullayev Yu. Adibning ko‘ngil daftari. “Daftar hoshiyasidagi bitiklar” kitobining beshinchi nashri haqida. “Uzbekiston adabiyoti va san’ati” gaz. 20 yanv.
Sharafiddinova M. Mnogofunksionalnost monologa v romanax U. Xashimova “Voyti i vi’yti” i “Jizn v snovedeniyax” Jurn. “Filologiya masalalari” №2.
Sharafiddinova M. Folkner i Xashimov. Jurn. “Prepodavaniya yazi’ka i literaturi’” №3.
Muhammadiyev N. O‘tkir Hoshimovning “shumlik”lari. (Adib portretiga chizgilar). “O‘zbekiston adabiyoti va san’ati” gaz. 3 noyabr.
Sulaymonova M. Bitiklarda falsafiy ma’no. (“Daftar hoshiyasidagi bitiklar” kitobi haqida mulohazalar). “Ma’rifat” gaz. 18 mart.

2007 yil

Sharafiddinova M. Tasvirdagi o‘ziga xoslik. “Ikki eshik orasi” romani bilan Folknerning “O‘lar chog‘imda” romanining qiyosiy tahlili “Jahon adabiyoti” jurn. №5.

Sharafiddinova M. Osobennosti povestvovatelnoy strukturi’ proizvedeniy Utkura Xashimova i Uilyama Folknera (Na primere romanov “Voyti i vi’yti” i “Kogda ya umirala”. Kollektiv. Monografiya. Vzaimodeystviye kak istochnik obogash’eniya natsionalnoy literaturi’. Izd. “Akademiya”. Tashkent.

Dusenboyev O. O‘tkir Hoshimov asarlarida xarakter dramatizmi “Til va adabiyot ta’limi” jurn. №3. B. 23-26.

Abdusamatov X. Umri boqiy bitiklar. “Daftar hoshiyasidagi bitiklar” kitobi haqida. “Ma’rifat” gaz. 10 noyabr.

Rasulov A. “Oqsoqol” (“Ikki eshik orasi” romani qahramonlarining prototiplari haqida). “Mahalla” gaz. 14 noyabr.

Normatov U. O‘tkir Hoshimov. Adabiy portret. “Yangi o‘zbek adabiyoti” kitobi. Toshkent. “Universitet” nashr.

MULOHAZA BILDIRISH

Mulohaza kiritilmadi!
Ismi sharifingizni kiriting.