Нурали Қобул (1950)

2
476
марта кўрилган.

Нурали Қобул (Нурали Холбўтаев) 1950 йилнинг 2 январида Жиззах вилояти, Бахмал туманидаги Усмат қишлоғида туғилди. Мирзо Улуғбек номли Фарғона давлат педагогика институти тарих факультетида таҳсил олди. Жиззах шаҳридаги Бобур номли 22-ўрта мактабда ўқитувчи, (1969–1970), “Ғалаба байроғи” газетасида бўлим бошлиғи (1971–1973), “Жиззах ҳақиқати” газетасида мухбир (1973–1976), “Совет Ўзбекистони санъати” журналида бош муҳаррир ўринбосари, бош муҳаррир (1977–1986), “Юлдузча” нашриётида бош муҳаррир, директор (1987–1996) вазифаларида хизмат қилди.

Нурали Қобулнинг “Ойқор” номли биринчи қисса ва ҳикоялар тўплами 1978 йилда нашр этилди. Шундан сўнг унинг “Салом, тоғлар” (1979),”Тубсиз осмон” (1981), “Яшаш учун кечикма”, “Каптарлар қайтмаган кун” (1983), “Унутилган соҳиллар” (1988), “Буғдой пишиғига етмаганлар” (1992), Етти иқлим хоқони ёхуд аҳд ва тахт” (2013) каби роман, қисса ва ҳикоялар китоблари, “Одам, Ойқор тоғ ва дайди шамол” (1980) номли шеърий эртаги, “Ватандан яхши ёр бўлмас” номли публицистик мақолалар тўплами дунёга келди.

Нурали Қобул таржимон сифатида Г. Маркеснинг “Танҳоликнинг юз йили” романини, Ч. Айтматовнинг “Болалигим” қиссасини она тилимизга ўгирди. Ўзининг ҳам роман, қисса ва ҳикоялари турк ва бошқа хорижий тилларга таржима қилинди.

 

“Ўзбек адиблари” (С. Мирвалиев, Р. Шокирова. Тошкент, Ғафур Ғулом номидаги адабиёт ва санъат нашриёти, 2016) китобидан.

2 Мулоҳаза

  1. Нурали Қобулнинг Амир Темур ҳақидаги тарихий романлари керак эди. Электрон почтамга жўнатишларингизни илтимос қиламан.

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.