Ёзувчининг дастхати

0
107
марта кўрилган.

Ўткир Ҳошимов шахсий машинасини ҳайдаб келаётган эди. Қайсидир чорраҳада йўл миршаби ҳуштагини чуриллатиб уни тўхтатди. Бу борада тажрибаси ошиб қолган ёзувчи дарров машинасини тўхтатиб, ғаладонни ковлай бошлади. Одатда янги чиққан китобларидан бир нечасини шу мақсадда олиб юрарди.

– Салом, ўртоқ инспектор, кечирасиз, фамилиянгиз нимайди? – деди машинадан тушаркан, қўлидаги китобга дастхат ёзишга ҳозирланиб.

– Ие, Ўткир ака, сизмисиз? – деди миршаб мийиғида жилмайиб. – Бу китобингизга олдин дастхат ёзиб бергандингиз-ку!

– Шунақами, – бўш келмади ёзувчи, – унда янги китобим чиқишини кутишингизга тўғри келади. Унгача овора бўлиб тўхтатиб юрманг.

 

Носир МУҲАММАД

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.