Tanqidmisan tanqid!

0
137
marta koʻrilgan.

Ustozning yetmish yoshga toʻlishi nishonlanayotgan kunlar edi. U kishi bilan uchrashib qolib, yangi chop etilgan “Oʻzbegim” kitobini yayrab oʻqiganimni aytsam, meni hadeb maqtayversalaring taltayib ketishim hech gapmas, ora-sira tanqid ham qipturinglar, deb hazillashdi.

– Toʻgʻri, kamchiliklaringiz ham bor, – dedim oʻzimni tersroq tutib. – Eng katta nuqsoningiz shuki… Hm-m…

– Tortinmay gapiravering…

– Ochigʻini aytsam, haddan tashqari qizgʻanchiq shoirsiz, nihoyatda qisqa yozasiz. Oʻqi-i-b boramiz-u, endigina zavqimiz toshayotganida, birdaniga yakun topadi-qoʻyadi. Sheʼringizga toʻymay qolamiz.

Erkin aka nimtabassum ila koʻzimga boqib turgach, koʻkragini silab dedi:

– Umrim bino boʻlib, bunaqa ajabtovur dakkini endi eshitishim. Ayamay gapiravering, men ham tanqidingizga toʻymay turibman.

 

Anvar OBIDJON

 

“Yoshlik”, 2017 yil 10-son

MULOHAZA BILDIRISH

Mulohaza kiritilmadi!
Ismi sharifingizni kiriting.