От-обрў масаласи

0
12
марта кўрилган.

Матназар оға рус адабиёти, рус адабий тилини мукаммал билар эди. Бир куни “Хоразм ҳақиқати” газетасига бориб қолдим. Ходимлардан бири кичикроқ бир матнни ўзбек тилидан русчага таржима қилаётган экан.

– Менга қаранг, қадоқловчининг русчаси ничик бўлади? – сўради у мен эшикдан киришим билан.

Мен ҳам бу сўзнинг русчасини билмас эканман. Мухбир нима қиларини билмай, ҳайрон бўлиб бошини қашлади.

– Э, қисинманг! – дедим мен Матназар оғанинг билимдонлигини бир кўрсатиб қўйиш имкони пайдо бўлганидан қувониб. – Ҳозир “ходячий энциклопедия”дан сўраб оламиз!

Матназар оғага телефон қилдим.

– Матназар оға, қадоқловчининг русчаси ничик бўлади?

Устоз нимадандир асабийлашиб ўтирган эканми, жавоби қисқа бўлди:

– Бошимни қотирма!

Ҳалиги дўстимизнинг ёнида ноқулай аҳволда қолдим. Ишга қайтиб келганимдан кейин Матназар оғадан ўпкаландим:

– Дим уятга қўйдингиз лекин…

– На гап?

Мен бўлган воқеани айтиб бердим.

– Эээ, от-обрў масаласи ўртада турганлигини нега айтмадинг ўшанда, – деди қизишиб. – Қадоқловчининг русчаси фарцовщик бўлади, дарров телефон қилиб айт!

Кейин ўзининг гапи ўзига нашъа қилиб мириқиб кулдилар.

 

Шуҳрат Маткарим

 

“Ижод олами”, 2018/5

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.