O‘zbek she’riyati ozarbayjon tilida

0
0
marta ko‘rilgan.

12 iyun kuni O‘zbekiston Fanlar akademiyasida ozarbayjon va o‘zbek tillaridagi “O‘zbek she’riyati gulchambari” kitobining taqdimoti bo‘lib o‘tdi. Bu haqda O‘zbekiston Yozuvchilar uyushmasi rasmiy sayti xabar berdi.

Taqdimotda O‘zbekistondagi Haydar Aliyev nomidagi Ozarbayjon madaniyat markazi rahbari Samir Abbosov, ozarbayjonlik ijodkorlar – kitob nashriga mas’ul Akbar Qo‘shali, muharrir Farid Husayn, tarjimon Shahlo Qosimova, O‘zbekiston Yozuvchilar uyushmasining Xalqaro aloqalar va badiiy tarjima bo‘limi mas’ul kotibi Adhambek Alimbekov, tarjimonlar Muhammadsharif Boboxon va Tohir Qahhor so‘zga chiqib, o‘zbek va ozarbayjon xalqlari tili, dini bir, madaniyati, san’ati, an’analari, urf-odatlari o‘xshash, umumiy adabiy merosga ega qardosh xalqlar ekanini ta’kidladi.

Bugungi kunda ikki xalqning o‘zaro adabiy va madaniy aloqalari yanada yuksak bosqichda davom etmoqda. O‘zbekistondagi Haydar Aliyev nomidagi Ozarbayjon madaniyat markazi tomonidan O‘zbekiston Yozuvchilar uyushmasi bilan hamkorlikda tayyorlangan o‘zbek va ozarbayjon tillaridagi “O‘zbek she’riyati gulshani” kitobining nashr etilgani fikrimiz dalilidir.

Ushbu kitobda Ozarbayjon Yozuvchilar uyushmasi a’zosi, shoir Shohmamad Tog‘laro‘g‘li va Ozarbayjon Yozuvchilar uyushmasining faxriy a’zosi Shahlo Qosimovaning tarjimasida taniqli o‘zbek shoirlarining she’rlari joy olgan.

Oldingi sahifaNabira
Yoyish

MULOHAZA BILDIRISH

Mulohaza kiritilmadi!
Ismi sharifingizni kiriting.